दहावी, बारावीच्या विद्यार्थ्यांनो सावधान!

आजवर जिल्हा क्रीडा कार्यालयाच्या मार्फत खेळाडू विध्यार्थ्यांचे सवलत गुण अर्ज ऑफ लाईन पद्धतीने पाठविण्यात येत होते. मात्र यांच्या शैक्षणिक सत्रा पासून यात बदल करण्यात आला आहे. यंदापासून ऑन लाईन पद्धतीने आपले सरकार पोर्टल द्वारे सवलत गुणांचे अर्ज भरावे लागणार आहे.सर्व खेळाडू विद्यार्थी आणि माध्यमिक शाळा व कनिष्ठ महाविद्यालयांना आपले सरकार पोर्टलवर या वर्षीपासून सवलत गुणांचा अर्ज ऑनलाईन पद्धतीने भरणे बंधनकारक करण्यात आले आहे.  ऑफ लाईन पद्धतीने अर्ज पाठविताना मानवीय चुकामुळे आजवर अनेक खेळाडू विध्यार्थ्यांनागुणांचा फटका बसला. अनेकांना सवलत गुण मिळालेच मिळालेच नाही. यामुळे खेळाडूंच्या तक्रारी वाढल्या, एवढेच नव्हे त्यांचे शैक्षणिक, नोकरी विषयक नुकसान झाले. यामुळे यंदाच्या शैक्षणिक सत्रा पासून ऑनलाईन अर्ज सादर करण्याचा निर्णय घेण्यात आला आहे.

हेही वाचा >>>अमरावती: अज्ञात वाहनाच्या धडकेत बिबट्या ठार, महिनाभरातील चौथा बळी

सदर सवलत गुण प्रक्रिया निर्दोष करण्यासाठी, या वर्षीपासून म्हणजेच २०२४-२५ यावर्षापासून ग्रेस गुणांसाठी केली जाणारी प्रक्रिया शासनाच्या आपले सरकार पोर्टलद्वारे ऑनलाईन करण्यात आली आहे. तसेच सदर पोर्टलद्वारे सर्व अर्ज ऑनलाईन प्रणालीद्वारेच महाराष्ट्र राज्य माध्यमिक व उच्च माध्यमिक शिक्षण मंडळ यांच्याकडे सादर करण्याची सुविधा निर्माण करुन देण्यात आली आहे. यामुळे सर्व खेळाडू विद्यार्थी जिल्ह्यातील सर्व माध्यमिक शाळा व कनिष्ठ महाविद्यालय यांनी आपले सरकार अॅपद्वारे या वर्षीपासून सवलत गुणांचा अर्ज ऑनलाईन पद्धतीने भरावयाचा आहे. जिल्हा क्रीडा अधिकारी बी एस महानकर यांनी याला पुष्टी दिली आहे. कोणताही खेळाडू जिल्हा क्रीडा कार्यालय, बुलढाणा येथे ऑफलाईन पद्धतीने अर्ज सादर करणार नाही. अशा प्रकारचा अर्ज जिल्हा क्रीडा कार्यालय, बुलढाणा यांचेकडून स्विकारल्या जाणार नाही, असे  महानकर यांनी स्पष्ट केले आहे.