मुक्त विद्यापीठाच्या विद्यार्थ्यांची फरफट; परीक्षेच्या तोंडावर पुस्तकांपासून वंचित

नागपूर : यशवंतराव चव्हाण मुक्त विद्यापीठांतर्गत शिक्षण घेणाऱ्या विद्यार्थ्यांसाठी ‘पुस्तके घरपोच’ सेवा सुरू केली होती. इतर सामान्य महाविद्यालयांच्या परीक्षा संपण्यात जमा आहे. तर मुक्त विद्यापीठाच्या परीक्षा तोंडावर आल्या असताना अद्यापपर्यंत मुक्त विद्यापीठाच्या काही अभ्यासक्रमाच्या विद्यार्थ्यांना पुस्तके मिळालेली नाहीत. त्यामुळे विद्यार्थ्यांची पुस्तकांविना फरपट होत असून विद्यापीठाने त्यांच्या ‘ज्ञानगंगा घरोघरी’ या ब्रीद वाक्याला बगल दिली आहे.