लोकसत्ता लोकांकिकाच्या विभागीय अंतिम फेरीला उत्साहात सुरुवात, सहभागी विद्यार्थी म्हणतात…

रंगकर्मी विद्यार्थ्यांना हक्काचे व्यासपीठ उपलब्ध करून देणाऱ्या ‘लोकसत्ता लोकांकिका’ स्पर्धेची नागपूर आणि अमरावती विभागीय प्राथमिक फेरी रविवारी आणि सोमवार बअसे दोन दिवस पार पडली. या स्पर्धेत विविध सामाजिक विषयांवर भाष्य करणाऱ्या एकांकिका महाविद्यालयीन विद्यार्थ्यांनी सादर केल्या. या प्राथमिक फेरीतून नागपूर विभागीय अंतिम फेरीसाठी पाच महाविद्यालयांची निवड करण्यात आली. त्यांनी अंतिम फेरी आज गुरुवारी होत आहे. ललित कला विभागाच्या ‘थेंब थेंब स्वास’ नाटकाने स्पर्धेला सुरुवात झाली. समृद्ध करणारा नवा अनुभव लोकसत्ता लोकांकिकामध्ये अनेक गोष्टी शिकायला मिळतात.

हेही वाचा…संसर्गजन्य आजारावर प्रभावी उपाय: नागपुरात मेट्रोपोलीटन सर्वेलन्स युनिट…

नवा अनुभव मिळत असल्याने कलाकार घडत जातो. आज आमचे विद्यार्थी लोकसत्तामुळे दिग्दर्शन आणि लेखन करू शकतात. सुमेध कावणे, शंकरलाल खंडेलवाल महाविद्यालय अकोला. कलावंत घडवणारा उपक्रम लोकसत्ताचा हा छान उपक्रम आहे. उद्याचे कलाकार यातून घडणार आहेत. केवळ नटच नाही तर लेखक आणि दिग्दर्शक घडवणारे हे व्यासपीठ आहे. विद्यार्थ्यांनी दरवर्षी यात सहभागी व्हावे.

प्रा. अविनाश दारशिंबे, श्री शिवाजी विज्ञान महाविद्यालय, अमरावती.दरवर्षी वाट बघत असतो या स्पर्धेची आम्ही दरवर्षी वाट बघत असतो. यंदा तयारीला थोडा कमी वेळ मिळाला. मात्र, आपण नाटकांमध्ये काम करताना कुठले बारकावे जपावे यासाठी ही स्पर्धा मार्गदर्शक ठरते. शरयू गावंडे, अमरावती.

हेही वाचा…भंडारा : वाघाला चक्क गावकऱ्यांनीच घेरले अन…

विद्यार्थ्यांसाठी पर्वणी

लोकसत्ता लोकांकिकेमुळे विद्यार्थ्यांना चांगली संधी मिळते. आमच्या विद्यार्थ्यांसाठी तर ही पर्वणी आहे. अशा स्पर्धांमधून त्यांना अनेक नव्या गोष्टी शिकता येतात. नितीन चक्रे, अमरावती इतर कलावंतांच्या अभिनयाचे दर्शन राज्यभर होणारी ही स्पर्धा आम्हाला अनेक गोष्टी शिकवून जाते. दरवर्षी आम्ही लोकांकिका स्पर्धेची वाट बघत असतो. अन्य कलाकारांच्या नाटक बघून अनेक गोष्टी शिकताही येतात. तनय रोठे, अमरावती.

प्रायोजक

मुख्य प्रायोजक : जवाहरलाल नेहरू प्राधिकरण

सहप्रस्तुती : सॉफ्ट कॉर्नर

सहप्रायोजक : झी टॉकिज, केसरी टूर्स

पॉवर्ड बाय : एन. एल. दालमिया

सहाय्य : अस्तित्व

टॅलेंट पार्टनर : आयरिस प्रोडक्शन्स