अकरा एसटी चालक-वाहकांचे निलंबन तीनच दिवसात रद्द; महामंडळाला उपरती की आंदोलनाचा धसका?

मेहकर: मेहकर एसटी बस आगारातील अकरा बस चालक व वाहकांना निलंबित करण्याचा निर्णय तीनच दिवसांत मागे घेण्यात आला आहे. यामुळे हा कामगार संघटनेच्या आंदोलनाचा धसका की चुकीच्या निर्णयाबद्दल महामंडळाची उपरती? असा प्रश्न चर्चिला जात आहे.

आणखी वाचा

पोलीस आयुक्तांच्या बैठकीनंतर आठच दिवसात उद्योजकाकडे खंडणीची मागणी; चाकण एमआयडीसीतील प्रकार

१८ ऑक्टोबर पंचांग: नोकरदारांच्या कुंडलीत अच्छे दिन तर…

मुंबई : महापालिका कर्मचाऱ्यांना २९ हजार रुपये बोनस, आचार संहिता लागू होण्यापूर्वी तातडीने घोषणा

महिला अत्याचाराच्या विरोधात सर्व घटकांनी एकत्र येऊन काम करण्याची गरज- डाॅ. नीलम गोऱ्हे यांची सूचना

भिवंडीची पूनरावृत्ती टाळण्यासाठी नवरात्रोत्सवात पोलीस सतर्क समाजमाध्यमांवरील अफवांवर पोलिसांचे लक्ष, गस्तीवर भर

इंद्राणी मुखर्जीच्या परदेशवारीस उच्च न्यायालयाचा नकार; सीबीआयची विरोध करणारी याचिका योग्य ठरवली

राज्यातील अंगणवाडी सेविका १ ऑक्टोबरला करणार चक्का जाम

विसर्जन मिरवणूकीत ‘आव्वाज’; धनकवडीतील दोन मंडळाविरुद्ध गुन्हे

विभागीय वाहतूक अधीक्षक ( अपराध) यांनी निलंबन मागे घेण्यासंदर्भातील आदेश निर्गमित केले आहे. मेहकर आगाराच्या अकरा चालक वाचकांना मागील २१ मार्च २०२३ रोजी सेवेतून निलंबित करण्यात आले होते. या कारवाईला जेमतेम तीन दिवस होत नाही तोच ही कारवाई रद्द करण्यात आल्याचे आदेश काढण्यात आले. या कर्मचाऱ्यांचे निलंबन २४ मार्चच्या दुपार नंतर मागे घेण्यात आल्याचे आदेशात नमूद आहे. यामुळे अकरा कर्मचाऱ्यांना दिलासा मिळाला असतानाच आगारातील कर्मचाऱ्यात जल्लोषाचे वातावरण आहे.

काय आहे प्रकरण?

सिंदखेड राजा येथील बसस्थानकात मुक्कामी असलेल्या बसगाड्यांमध्ये हे अकरा कर्मचारी थांबले नसल्याचे आढळून आले होते. त्यामुळे तपासणी पथकाच्या अहवालानंतर वाहतूक अधीक्षक (अपराध) यांनी निलंबनाची कारवाई केली होती.

निलंबित करण्यात आलेल्या कर्मचाऱ्यांमध्ये रमेश भालेराव, अनंता मुंढे, आर बी मुंढे, दिनकर घुगे, गणेश देव्हरे, विलास वाघमारे या चालकांचा तर संदीप गीते, लता चौधरी, के.एस. घुगे, रिता राठोड , रमा चव्हाण या वाहकांचा समावेश होता. या कारवाईत महिला कर्मचाऱ्यांचाही समावेश असून रात्री बसमध्ये महिला कर्मचारी कशा काय मुक्कामी राहू शकतील? असा प्रश्न संघटनेने उपस्थित केला होता. हे सर्व कर्मचारी जेवणासाठी गेले होते, तेव्हा तपासणीची कार्यवाही करण्यात आली. ही कारवाई चुकीची असल्याने निलंबन मागे घेण्याची मागणी एसटी कष्टकरी महासंघाने विभाग नियंत्रकांकडे केली होती. कारवाई मागे न घेतल्यास आगार बंद करण्यात येईल, असा इशारा विभागीय सचिव राम सवडदकर, आगार अध्यक्ष अनिल पचपोर व सचिव छगन मुळे यांनी दिला होता.