नागपूर: पुन्हा चार ‘स्वाईन फ्लू’ग्रस्तांच्या मृत्यूवर शिक्कामोर्तब

जिल्ह्यात ‘स्वाईन फ्लू’चा प्रकोप कमी झाला आहे. परंतु, शुक्रवारी नागपूर महापालिकेत मृत्यू विश्लेषण समितीच्या बैठकीत आणखी चार मृत्यू ‘स्वाईन फ्लू’नेच झाल्यावर शिक्कामोर्तब केले गेले.महापालिकेतील आरोग्य कक्षात झालेल्या बैठकीला महापालिकेचे वैद्यकीय आरोग्य अधिकारी डॉ. नरेंद्र बहिरवार, मेयो रुग्णालयातील सूक्ष्मजीवशास्त्र विभागाच्या प्राध्यापिका डॉ. शर्मिला राऊत, डॉ. मिलिंद सूर्यवंशी, प्रा. डॉ. भाग्यश्री वानखेडे, नोडल अधिकारी डॉ. गोवर्धन नवखरे उपस्थित होते. यावेळी विविध रुग्णालयात दगावलेल्या चार रुग्णांची प्रकरणे ठेवली गेली.