आयुष्मान कार्ड काढण्याची जबाबदारी शिक्षकांवर; शिक्षक संघटनांचा बहिष्काराचा पवित्रा

विशेष म्हणजे आयुष्मान भारत कार्डचा उपक्रम आरोग्य विभागाशी संबंधित असला तरी त्या कामावर आता शिक्षकांना नियुक्त केले जाणार असल्याने शिक्षकांमध्ये संताप व्यक्त केला जात आहे. प्रधानमंत्री जनारोग्य योजनेंतर्गत आयुष्मान भारत कार्डची ई केवायसी करणे तसेच आयुष्मान कार्ड तयार करून ते घरोघरी वितरित करण्याबाबतचे आदेश जिल्ह्यात भातकुली पंचायत समितीकडून पहिल्यांदाच देण्यात आले आहे. त्यासंदर्भात गटशिक्षणाधिकाऱ्यांकडून यादी सुद्धा तयार करण्यात आली आहे. जिल्हापरिषदेच्या मुख्य कार्यकारी अधिकाऱ्यांकडून तसे आदेश देण्यात आले आहे.

आणखी वाचा

पुणे गुन्हेगारीत नाही उणे! राज्याची सांस्कृतिक राजधानी असंस्कृत, असुरक्षित का बनतेय?

IND vs NZ : ऋषभ पंतच्या वादग्रस्त विकेटवर…

याला म्हणतात शिक्षकांचा दरारा! बेधुंद होऊन नाचत होते विद्यार्थी, सरांनी मागे वळून पाहताच… Video एकदा पाहाच

शाळांना सुविधा हव्यात नां? मग ‘हे’ करावेच लागेल…

लोकमानस : सतत प्रसिद्धी हवी कशाला?

वंचितच्या गोंधळानंतर योगेंद्र यादव म्हणाले “हा तर बाबासाहेबांच्या संविधानावर हल्ला”

विद्यापीठांच्या धर्तीवर शाळांनाही स्वायत्तता, काय आहे नवी तरतूद?

विश्लेषण : राज्य शालेय शिक्षण मंडळाला ‘सीबीएसई’चाच अभ्यासक्रम का राबवायचाय? त्यावरून वाद का सुरू आहे?

हेही वाचा… UPSC Exam: यूपीएससी परीक्षेतील चुका सुधारण्‍यासाठी आयोगाकडून मार्गदर्शक सूचना

विशेष म्हणजे हे अभियान आरोग्य विभागाशी संबंधित असून आरोग्य यंत्रणेतील कर्मचारी, ग्रामपंचायतीमधील कर्मचाऱ्यांना सोडून शिक्षकांवर त्याची जबाबदारी देण्यात आली आहे, असा संघटनांचा आरोप आहे. शिक्षकांनी या कामाला विरोध दर्शविला आहे. शैक्षणिक कार्य सोडून अशैक्षणिक कामांचा सपाटा शासनाने लावला आहे. त्यामुळे स्थानिक स्वराज्य संस्थेच्या शाळांमधील शैक्षणिक गुणवत्तेवरसुद्धा परिणाम होत आहे. त्यामुळे शिक्षकांकडून अशैक्षणिक कामे काढून घ्यावीत, अशी मागणी शिक्षक संघटना करीत असून आता आयुष्मान भारत अभियानातून सुद्धा मुक्त करावे, अशी मागणी शिक्षक संघटनांकडून करण्यात आली आहे.

शैक्षणिक कार्य कधी करावे?

वास्तविक आयुष्मान भारत कार्ड काढण्याचे काम आरोग्य विभागाशी संबंधित आहे. मात्र हे काम शिक्षकांवर थोपण्यात आले आहे. शिक्षकांना शाळा सोडून लोकांच्या घरोघरी फिरावे लागणार आहे. मग शैक्षणिक कार्य कोणत्या वेळेत करावे, असा प्रश्न महाराष्ट्र राज्य प्राथमिक शिक्षक समितीचे राज्य प्रसिद्धी प्रमुख राजेश सावरकर यांनी उपस्थित केला आहे.