अकोला : महिला आर्थिक विकास महामंडळांतर्गत लोकसंचालित साधन केंद्र व बचत गटांतील महिलांच्या योगदानातून अकोल्यात तेजस्विनी भवन उभारण्यात आले आहे.साधन केंद्रातर्फे उभारलेली ही महाराष्ट्रातील पहिली इमारत ठरली. अकोल्यात हा पथदर्शी उपक्रम राबवला जात आहे. या उपक्रमाच्या माध्यमातून महिला बचत गटाच्या चळवळीला बळ मिळणार आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
महिला आर्थिकदृष्ट्या सक्षम झाली की कुटुंबाचा व समाजाचाही विकास होतो. त्यादृष्टीने विविध व्यवसाय, उपक्रमांची जोड देणे आवश्यक असते. शेतीपूरक व्यवसायांबरोबरच इतर व्यवसायांचाही विचार होणे गरजेचे आहे. महिलांना सक्षम करण्याचे कार्य बचत गटाच्या माध्यमातून होत असते. लोकसंचालित साधन केंद्र व बचत गटातील महिलांनी शहरातील डाबकी रस्त्यावरील उगलेवाडीत ‘तेजस्विनी भवन’ साकारले आहे. या वास्तूचे उद्घाटन नुकतेच जिल्हाधिकाऱ्यांच्या हस्ते झाले. बचत गटांच्या माध्यमांतून ग्रामीण व शहरी भागात विविध व्यवसाय करणाऱ्या महिलांचे एकत्रीकरण झाले. महिलांच्या कष्ट व योगदानातून शहरात ‘तेजस्विनी भवन’ची वास्तू उभी राहिली आहे. तेजस्विनी भवनाची दोन मजली इमारत असून, त्यात कार्यालय, प्रशिक्षण सभागृह, वाहनतळ, स्वच्छतागृह आदी सुविधा आहेत. ही वास्तू तीन हजार १०० फुटांच्या क्षेत्रात सुमारे ६५ लाख रुपयांच्या निधीतून उभारण्यात आली आहे.
हेही वाचा…चिखलीत पिसाळलेल्या कुत्र्याचा हैदोस; ३० जणांना चावा
तालुका लोकसंचालित साधन केंद्रातर्फे एक हजार ६०० बचत गट व सुमारे १७ हजार ५०० महिला संघटक कार्यरत आहेत. या सर्व महिलांना उद्योग- व्यवसाय उभारणीसाठी प्रशिक्षण व मार्गदर्शन करण्यात येते. त्यामुळे अकोला तालुक्यात गावोगाव अनेक छोटे व्यवसाय सुरू झाले आहेत. आता तेजस्विनी भवन निर्माण झाल्यामुळे गटांना उत्तम प्रशिक्षणासाठी सभागृहाची सुविधा उपलब्ध झाली, असे लोकसंचालित साधन केंद्राच्या व्यवस्थापक सोनाली अंबरते यांनी सांगितले.
हेही वाचा…“वरिष्ठांचा निर्णय अंतिम, पण पालकमंत्री जिल्ह्यातीलच हवा”, महायुतीच्या नेत्यांची भावना
सुवर्ण महोत्सवी वर्षात स्वबळावर इमारत
‘माविम’च्या सुवर्णमहोत्सवी वर्षात केंद्राची स्वबळावर इमारत उभी झाली. हे महिलांच्या स्वयंपूर्णतेचे आदर्श उदाहरण ठरत आहे. जिल्ह्यात तूर डाळ, सोयाबीन, कपाशी ही प्रमुख पिके आहेत. त्यातून बचत गटाच्या माध्यमातून कृषी प्रक्रिया व्यवसायांचे जाळे निर्माण होऊ शकते. लोकसंचालित साधन केंद्र व बचत गटांतील महिलांच्या योगदानातून अकोल्यात तेजस्विनी भवन उभारले. या प्रकारची महाराष्ट्रातील पहिली इमारत आहे. बचत गटाच्या चळवळीतील हा महत्त्वाचा टप्पा ठरला. वर्षा खोब्रागडे, जिल्हा समन्वय अधिकारी, ‘माविम’
महिला आर्थिकदृष्ट्या सक्षम झाली की कुटुंबाचा व समाजाचाही विकास होतो. त्यादृष्टीने विविध व्यवसाय, उपक्रमांची जोड देणे आवश्यक असते. शेतीपूरक व्यवसायांबरोबरच इतर व्यवसायांचाही विचार होणे गरजेचे आहे. महिलांना सक्षम करण्याचे कार्य बचत गटाच्या माध्यमातून होत असते. लोकसंचालित साधन केंद्र व बचत गटातील महिलांनी शहरातील डाबकी रस्त्यावरील उगलेवाडीत ‘तेजस्विनी भवन’ साकारले आहे. या वास्तूचे उद्घाटन नुकतेच जिल्हाधिकाऱ्यांच्या हस्ते झाले. बचत गटांच्या माध्यमांतून ग्रामीण व शहरी भागात विविध व्यवसाय करणाऱ्या महिलांचे एकत्रीकरण झाले. महिलांच्या कष्ट व योगदानातून शहरात ‘तेजस्विनी भवन’ची वास्तू उभी राहिली आहे. तेजस्विनी भवनाची दोन मजली इमारत असून, त्यात कार्यालय, प्रशिक्षण सभागृह, वाहनतळ, स्वच्छतागृह आदी सुविधा आहेत. ही वास्तू तीन हजार १०० फुटांच्या क्षेत्रात सुमारे ६५ लाख रुपयांच्या निधीतून उभारण्यात आली आहे.
हेही वाचा…चिखलीत पिसाळलेल्या कुत्र्याचा हैदोस; ३० जणांना चावा
तालुका लोकसंचालित साधन केंद्रातर्फे एक हजार ६०० बचत गट व सुमारे १७ हजार ५०० महिला संघटक कार्यरत आहेत. या सर्व महिलांना उद्योग- व्यवसाय उभारणीसाठी प्रशिक्षण व मार्गदर्शन करण्यात येते. त्यामुळे अकोला तालुक्यात गावोगाव अनेक छोटे व्यवसाय सुरू झाले आहेत. आता तेजस्विनी भवन निर्माण झाल्यामुळे गटांना उत्तम प्रशिक्षणासाठी सभागृहाची सुविधा उपलब्ध झाली, असे लोकसंचालित साधन केंद्राच्या व्यवस्थापक सोनाली अंबरते यांनी सांगितले.
हेही वाचा…“वरिष्ठांचा निर्णय अंतिम, पण पालकमंत्री जिल्ह्यातीलच हवा”, महायुतीच्या नेत्यांची भावना
सुवर्ण महोत्सवी वर्षात स्वबळावर इमारत
‘माविम’च्या सुवर्णमहोत्सवी वर्षात केंद्राची स्वबळावर इमारत उभी झाली. हे महिलांच्या स्वयंपूर्णतेचे आदर्श उदाहरण ठरत आहे. जिल्ह्यात तूर डाळ, सोयाबीन, कपाशी ही प्रमुख पिके आहेत. त्यातून बचत गटाच्या माध्यमातून कृषी प्रक्रिया व्यवसायांचे जाळे निर्माण होऊ शकते. लोकसंचालित साधन केंद्र व बचत गटांतील महिलांच्या योगदानातून अकोल्यात तेजस्विनी भवन उभारले. या प्रकारची महाराष्ट्रातील पहिली इमारत आहे. बचत गटाच्या चळवळीतील हा महत्त्वाचा टप्पा ठरला. वर्षा खोब्रागडे, जिल्हा समन्वय अधिकारी, ‘माविम’
