अमरावती : चिखलदरा येथे जात असलेल्‍या पर्यटकांची कार २०० फूट खोल दरीत कोसळून झालेल्‍या भीषण अपघातात तीनजणांचा जागीच मृत्यू झाला, तर चारजण गंभीररीत्‍या जखमी झाले आहेत. हा अपघात परतवाडा ते चिखलदरा मार्गावर मोथा गावानजीक रविवारी सकाळी घडला.
अपघातग्रस्‍त कारमधील प्रवासी हे तेलंगणातील आदिलाबाद येथील रहिवासी होते, अशी माहिती मिळाली आहे. अपघाताची माहिती मिळताच चिखलदरा पोलीस घटनास्‍थळी पोहोचले. जिल्‍हा आपत्‍ती प्रतिसाद दलदेखील पोहोचले असून जखमी प्रवाशांना रुग्‍णालयात हलविण्‍यात आले आहे. मृतांची आणि जखमींची नावे कळू शकलेली नाहीत.
हेही वाचा – चंद्रपूर : सिंदेवाही जंगलात ओडीसातील हत्तीचा मुक्काम, पिकांचे नुकसान
हेही वाचा – कुख्यात ‘शिनू’ टोळीविरुध्द मोक्का; यवतमाळसह नागपुरात खुनाचे पाच गुन्हे
तेलंगणातील पर्यटक एपी २८/ डीडब्‍ल्‍यू २११९ क्रमांकाच्‍या अर्टिगा कारने चिखलदरा येथे जात असताना रविवारी सकाळी ७.३० वाजताच्‍या सुमारास हा अपघात घडला. कारचालकाचे वाहनावरील नियंत्रण सुटून कार दरीत कोसळल्‍याचे सांगण्‍यात येत आहे.
