लोकसत्ता टीम वर्धा : पहिल्या पेटंट स्पर्धेत मेघे अभियांत्रिकी महाविद्यालयास नाविन्यपूर्ण आविष्कारासाठी पुरस्कृत करण्यात आले. नागपूर येथे ही पहिली पेटंट व आयडिया स्पर्धा संपन्न झाली. या स्पर्धेत विदर्भातील साठ नामवंत संस्थांनी भाग घेतला होता. आणखी वाचा-नागपुरात लवकरच ‘प्रादेशिक नेत्र इन्स्टिट्यूट’, वनमंत्री मुनगंटीवार यांची माहिती पहिल्या फेरीत परीक्षकांसमोर १ हजार २२४ कल्पना सादर करण्यात आल्या. त्यात मेघे संस्थेच्या अभियांत्रिकी महाविद्यालयाच्या दोन कल्पना सर्वोत्कृष्ट ठरल्या. पहिल्या दहात त्यांना स्थान मिळाले. आविष्कार गटात संगणक विज्ञान व वैद्यकीय अभियांत्रिकीच्या देवयानी धनजोडे व अमन ढोले यांनी डॉ.सुबोध दरोडे यांच्या मार्गदर्शनात पुरस्कार पटकावला. तर याच महाविद्यालयाचे प्रा.पवन कुमार यांना द्वितीय पुरस्कार मिळाला. विजेत्यांना रोख ११ हजार रूपयाचा पुरस्कार व प्रमाणपत्र देण्यात आले. संस्थेचे प्रकुलगुरू डॉ.गौरव मिश्रा, अधिष्ठाता डॉ.के.टी.व्ही.रेड्डी, प्राचार्य डॉ.अनिल पेठे, उपसंचालक डॉ.पुनीत फुलझेले, विद्या शाखेच्या डॉ.उत्कर्षा पाचरने यांनी विजेत्यांचे अभिनंदन केले.
