चंद्रपूर : बिबट्या कोंबड्यांची शिकार करायला गेला अन् खुराड्यात अडकला; वनविभागाच्या पथकाने केले जेरबंद

कोंबड्यांची शिकार करायला गेलेला बिबट खुराड्यात अडकल्याची घटना आज पहाटे साडेचार वाजताच्या सुमारास भद्रावती शहरातील खापरी वॉर्ड येथील साई नगरात उघडकीस आली.येथील निरंजन रामचंद्र चक्रवर्ती यांच्या घरातील पाळीव कोंबड्यांच्या खुराड्यात अडीच वर्षीय बिबट्याने प्रवेश केला. तेथील काही कोंबड्यांना त्याने आपले भक्ष्य बनविले. यानंतर मात्र तो खुराड्यातच अडकला. घटनेची माहिती परिसरात हवेसारखी पसरली आणि भल्यापहाटे एकच खळबळ उडाली.