…मागेल त्याला विहीर, नावापुरतीच! दलाल सक्रीय, मंजुरीसाठी शेतकऱ्यांची ससेहोलपट

सध्या पंचायत समिती स्तरावर रोजगार हमी योजने अंतर्गत विहीरीकरीता शेतकऱ्याची धावाधाव सुरु आहे. मात्र, सर्वत्र दलाल सक्रीय झाले असून शेतकऱ्यांची विहीर मंजूर करण्यासाठी आर्थिक अडवणूक होत आहे.मात्र, याकडे वरिष्ठ अधिकाऱ्याचे लक्ष आहे, ना नेत्याचे परिणामी शेतकरी वर्गात प्रचंड रोष व्यक्त केला जात आहे. शासनाकडून मिळणाऱ्या मोफत व निशुल्क विहरीकरिता शेतकऱ्यांची होणारी ससेहोलपट कधी थांबेल? असा प्रश्न शेतकरी वर्गातून होत आहे.आधी पैसे द्या आणि नंतर विहिरीचा लाभ घ्या, ही संकल्पना आमच्या तालुक्यात सध्या सुरू आहे. स्थानिक यंत्रणेपासून ते तालुक्यापर्यंत सर्व जाळे पसरले असून मागेल त्याला निशुल्क विहीर ही संकल्पना अस्तित्वात राहिली नाही. याकडे कोण लक्ष देणार? असे त्रस्त शेतकरी म्हणत  आहेत.