चंद्रपूर: इरई, झरपट नदीच्या सौंदर्यीकरणासाठी हायकोर्टाने दिले ‘हे’ आदेश…

इरई आणि झरपट नदीचे खोलीकरण व सौंदर्यीकरण करण्यात यावे, या मागणीकरिता काँग्रेसचे ज्येष्ठ नेते माजी खासदार नरेश पुगलिया, माजी नगरसेवक देवेंद्र बेले आणि रामदास वाग्दरकर यांनी हायकोर्टात जनहित याचिका दाखल केली आहे.इरई आणि झरपट नदीचे खोलीकरण व सौंदर्यीकरणासाठी कृती आराखड्यावर काय अंमलबजावणी केली, काय पावले उचलली, अशी विचारणा हायकोर्टाने वरील प्रतिवादींना केली तसेच त्यांना याबाबत सविस्तर माहिती सादर करण्याचे आदेश देण्यात आले होते.

आणखी वाचा

गुन्हे शाखेतील पोलीस निरीक्षक श्रीहरी बहिरट यांच्यासह दोघे निलंबित, अटक न करण्यासाठी पाच लाखांची लाच

१८ ऑक्टोबर पंचांग: नोकरदारांच्या कुंडलीत अच्छे दिन तर…

बाबा सिद्दीकींच्या हत्येनंतर शरद पवारांनी केली देवेंद्र फडणवीसांच्या राजीनाम्याची मागणी; म्हणाले, “गृहमंत्री एवढ्या सौम्यतेने…”

रश्मी ठाकरे टेंभी नाक्यावरील देवीच्या दर्शनाला

प्रेषित मोहम्मद यांच्याबद्दल आक्षेपार्ह विधान करणाऱ्या यती नरसिंह आनंद सरस्वतींना अखेर पोलिसांनी घेतलं ताब्यात

पंतप्रधानांच्या सभेपूर्वी घोडबंदर विद्रुप, मोदी हेलेकाॅप्टरने येणार तरीही अतिउत्साही पदाधिकाऱ्यांची घोडबंदरभर फलकबाजी

अवैध विवाहाच्या अपत्यांचा वारसाहक्क

नक्षलवादी चळवळीला हादरा; कमांडर रुपेश मडावी चकमकीत ठार…

हेही वाचा… वाघाच्या डरकाळ्यांनी गावकरी भयभीत; वनविभाग अलर्ट मोडवर

सौंदर्यीकरण प्रकल्पावरील ३२ लाखांच्या खचांबाबतही हायकोर्टाने अहवाल सादर करण्याचे आदेश प्रतिवादींना दिले आहेत. तसेच राज्य सरकारला प्रस्ताव सादर करण्याचे आदेशही हायकोर्टाने दिले आहेत. मागील सुनावणीत हायकोर्टाने योजना आराखड्यासह सविस्तर प्रतिज्ञापत्र सादर करण्याचे आदेश राज्य सरकारला दिले होते. हायकोर्टाने सप्टेंबर २०२२ मध्ये राज्य सरकार व चंद्रपूर महानगरपालिका आयुक्त यांना नोटीस बजावली होती.

हेही वाचा… नागपूर : हिनासमोरच पती व भाऊ दोघेही करायचे चिमुकलीवर लैगिक अत्याचार

इरई नदी वर्धा नदीची, तर झरपट नदी इरई नदीची उपनदी आहे. या दोन्ही नद्या नागरी वस्त्यांमधील सांडपाणी, औद्योगिक वसाहतीमधील रसायनयुक्त पाणी, कचरा साठवणूक, चंद्रपूर वीज प्रकल्पातील फ्लाय अॅश इत्यादींमुळे प्रदूषित झाल्या आहेत.नदीपात्रामध्ये मोठमोठी झाडे वाढली आहेत. संजयनगर, कृष्णानगर, इंदिरानगर, अंचलेश्वर वॉर्ड, पठाणपुरा इत्यादी वस्त्यांतील नागरिकांसाठी नदीपात्रे शौचालय झाले आहेत. त्यामुळे दोन्ही नद्यांच्या संवर्धनासाठी तातडीने प्रभावी उपाययोजना करणे गरजेचे आहे, असे याचिकेत म्हटले आहे. याचिकाकत्यांतर्फे ॲड.श्रीरंग भांडारकर यांनी बाजू मांडली असून त्यांना ॲड. शेजल लखानी यांनी सहकार्य केले. सरकारतर्फे ॲड. निवेदिता मेहता यांनी बाजू मांडली.