विविध समस्यांकडे लक्ष वेधण्यासाठी जनतेच्या न्यायालयात जाणार,असा निर्धार महाविकास आघाडीने व्यक्त केला आहे. त्यासाठी राज्यात विभागनिहाय जाहीर सभांचा कार्यक्रमही जाहीर केला आहे. दिनांक व प्रमुख वक्ते याप्रमाणे…२ एप्रिल, संभाजीनगर, अंबादास दानवे. १६ एप्रिल, नागपूर, सुनील केदार. १ मे, मुंबई, आदित्य ठाकरे. १४ मे, पुणे, अजित पवार . २८ मे, कोल्हापूर, सतेज पाटील. ३ जून, नाशिक, छगन भुजबळ. ११ जून, अमरावती, यशोमती ठाकूर.
हेही वाचा >>>१५ दिवसांच्या बाळाला सोडून विवाहितेची सर्वोपचार रुग्णालयात आत्महत्या
महाविकास आघाडीच्या बैठकीत हा निर्णय झाला असून काँग्रेसच्या सर्व नेते व कार्यकर्त्यांनी या सभा यशस्वी करण्याची सूचना काँग्रेसचे प्रदेशाध्यक्ष नाना पटोले यांनी केली आहे. जिल्हाध्यक्षांना या दृष्टीने तयारी करण्याचे निर्देशही देण्यात आले आहेत. या सभांमधून बेरोजगारी, गुन्हेगारी, महिलांवरील अत्याचार, शेतकरी आत्महत्या व इतर विषयांवर जाब विचारण्याचे ठरले आहे.
