नागपूर: राष्ट्रीय आदिम कृती समितीची बैठक नुकतीच झाली. याप्रसंगी हलबा जमातीच्या जात प्रमाणपत्र व जात वैधता प्रमाणपत्रासह इतरही विषयावर चर्चा झाली. हे प्रश्न सोडवण्यासाठी नागपुरातील हिवाळी अधिवेशनात हलबा जमातीचा मोर्चा काढण्याचा निर्णय घेण्यात आला.
राष्ट्रीय आदिम कृती समितीची बैठक दे. बा. नांदकर यांच्या अध्यक्षतेखाली नागपुरात झाली. बैठकीला कृती समितीचे विश्वनाथ आसई, धनजंय धापोडकर, चंद्रभान पराते, ओमप्रकाश पाठराबे, नंदाताई पराते, अभय धकाते, धनराज पखाले, मनोहर घोराडकर आदी उपस्थित होते. लवकरच मोर्चाची तारीखही निश्चित होणार आहे.
हेही वाचा >>>खरगेंचे खास तरीही काँग्रेस कार्यसमितीतून बाद,नितीन राऊतांबाबत काय घडले ?
हेही वाचा >>>सरसंघचालक मोहन भागवत यांच्या वर्धा दौऱ्यात कमालीची गोपनीयता…
बैठकीत विधान भवनावर मोर्चाचे नियोजनासाठी राज्यातील वेगवेगळ्या भागात हलबा जमात परिसरात मोहल्ला बैठक, गावोगावी बैठक, निदर्शने, धरणे आंदोलन करण्यावर चर्चा झाली. याप्रसंगी डॉ. देवराम नंदनवार, नागोराव पराते, मुन्ना खडतकर, दिगंबर सदावर्ती, हरी चिचघरे, अनिल नंदनवार, मधुकर सोनकुसरेहेही उपस्थित होते. बैठकीत हलबांच्या न्यायहक्कासाठी सर्व संघटनांनी सक्रिय सहभाग घेऊन कृती समितीने जाहीर केलेला कार्यकम यशस्वी करण्याचे आवाहन केले गेले. प्रास्ताविक धनंजय धापोडकर यांनी तर सूत्रसंचालन धनराज पखाले यांनी केले. तर आभार प्रदर्शन भास्कर चिचघरे यांनी केले.