अकोला: पैसे खर्च झाले अन् युवकाने रचला जबरी चोरीचा बनाव; पोलीस तपासात फुटले बिंग

कान्हेरी सरप येथील रहिवासी निवृत्ती महादेव बोळे (२५, रा.कान्हेरी सरप) हा युवक दुचाकीने पिंजर मार्गे मूर्तिजापूरकडे जात असतांना दोनदजवळ एका इसमाने त्यांना थांबवले. त्यानंतर संबंधित इसमाने दोन फोन करण्याची विनंती बोळे यांच्याकडे केली. बोळे यांचा फोन घेउन दोन फोन केल्यानंतर या अज्ञात इसमाने बोळेकडील तब्बल ३२ हजार ५०० रुपये व साहित्य लंपास केल्याची घटना २ ऑगस्ट रोजी घडल्याची तक्रार पिंजर पोलीस ठाण्यात दिली होती. यावरुन पिंजर पोलिसांनी अज्ञात चोरट्याविरुद्ध कलम ३९२ अन्वये गुन्हा दाखल करून तपास सुरू केला. या प्रकरणाचा तपास स्थानिक गुन्हे शाखेने देखील सुरू केला.

आणखी वाचा

सायबर गुन्हेगारांचे पैसे अशिक्षित, बेरोजगारांच्या खात्यात, भिवंडी शहरातून सायबर गुन्हे करणारी टोळी गजांआड

Malasian Airlines: बेपत्ता MH370 चा शोध; पुण्यातील प्रल्हाद…

जबरी चोरीचा बनाव करणाऱ्या कर्मचाऱ्याला बेड्या

Sangli Crime : सांगलीत १०० रुपयांचं स्क्रिन गार्ड ५० रुपयांना देण्याच्या वादातून तरुणाची हत्या, तिघांना अटक

ठाणे : ताडी पिण्यासाठी आला अन् पोलिसांच्या तावडीत सापडला, मोक्का आणि जबरी चोरीच्या १८ गुन्ह्यात होता फरारी

टोरेस घोटाळा प्रकरण : कार्यतत्परतेत पोलिसांकडून कसूर, पोलिसांच्या भूमिकेवर उच्च न्यायालयाचे पुन्हा ताशेरे

टँकरच्या चाकाखाली सापडून एक वर्षांच्या बालकाचा मृत्यू

ठाणे रेल्वे स्थानकात ८० हजार रुपयांचा मोबाईल चोरण्याचा प्रयत्न; चोरट्याला पोलीस पथकाने केली अटक

हेही वाचा… “संसदेवर राजकीय दलालांचे वर्चस्व होते, म्हणून सर्व भ्रष्टाचारी एकत्र आले आणि…” उपराष्ट्रपतीचे वादग्रस्त विधान, म्हणाले…

घटनास्थळाजवळ स्थानिक गुन्हे शाखेने कसून चौकशी केली असता तसेच फिर्यादी निवृत्ती बोळे यांना घटनेची पूर्ण माहिती वारंवार विचारल्यानंतर तफावत आढळल्याने पोलिसांना या चोरीमध्ये संशय आला. तांत्रिक व गोपनीय पद्धतीने माहिती घेण्यात आली. त्यानंतर लुटमार प्रकरणातील फिर्यादी निवृत्ती बोळे याची स्थानिक गुन्हे शाखेचे पोलीस निरीक्षक शंकर शेळके यांनी चौकशी केली. त्याने असा गुन्हा घडलाच नसल्याची माहिती देत ही रक्कम दुसऱ्या ठिकाणी खर्च झाल्याने ते लपवण्यासाठी चोरीचा बनाव केल्याची कबुली दिली. यावरुन पोलिसांनी हा खोटा गुन्हा उघडकीस आणला. या प्रकरणाचा तपास पोलीस अधीक्षक संदिप घुगे, अपर पोलीस अधीक्षक अभय डोंगरे, स्थानिक गुन्हे शाखा प्रमुख शंकर शेळके यांच्या मार्गदर्शनाखाली मुकुंद देशमुख, गोपाल जाधव, महेंद्र मलीये, अविनाश पाचपोर, विशाल मोरे, प्रशांत कमलाकर यांनी केला.