अशी पुरवली जाते ‘व्हॉट्सॲप’वरून प्रश्नपत्रिका; नागपूर विद्यापीठातील प्राध्यापिकेची थक्क करणारी शक्कल

हेही वाचा- “चैत्यभूमीवरील गर्दी रोखण्यासाठी मुंबईकडे जाणाऱ्या अनेक रेल्वे…”; बसपाचा केंद्र सरकारवर आरोप

प्राध्यापकांना प्रश्नपत्रिका तयार करण्याच्या केंद्रावर भ्रमणध्वनी नेण्यास बंदी नसते. विद्यापीठ एका विषयाच्या तीन प्रश्नपत्रिका तयार यातून एक प्रश्नपत्रिका छपाईला पाठवली जाते. मात्र, यातही प्रचंड गोपनीयता बाळगली जाते. असे असले तरी प्रश्नपत्रिका तयार करताच प्राध्यापक आपल्या मोबाईलवर प्रश्नपत्रिकेचा फोटाे काढून तो विद्यार्थ्यांच्या व्हॉट्अॲप ग्रुपवर व्हायरल करतात. असाच काहीसा प्रकार एका प्राध्यापिकेने केला. प्रश्नपत्रिका तयार होताच सायंकाळच्या सुमारास विद्यार्थ्यांना पाठवण्यात आली. ही प्रश्नपत्रिका बी.एस्सी.च्या तिसऱ्या सत्राच्या भौतिकशास्त्राची आहे. पेपर तयार करणाऱ्या प्राध्यापकानेच व्हॉट्सॲपवर पेपर पाठवल्याने विद्यापीठात खळबळ उडाली आहे. या घटनेमुळे विद्यापीठाच्या परीक्षा पद्धती आणि पारदर्शकतेवर गंभीर प्रश्न निर्माण झाले आहेत. हे पहिलेच प्रकरण आहे की, यापूर्वीही अशाच प्रकारे पेपर फुटले होते, असे प्रश्नही आता उपस्थित केले जात आहेत. यावर अखिल भारतीय विद्यार्थी परिषदेने आक्षेप घेत कठोर कारवाई करावी अशी मागणी केली.