नागपूर : आघाडी सरकारची चूक शिंदे सरकारने दुरुस्त केली – बावनकुळे

नवीन जनगणना होण्यापूर्वी आघाडी सरकारने महापालिका आणि जिल्हा परिषदेची सदस्यसंख्या वाढवली होती. तत्कालीन सरकारने नियमबाह्य पद्धतीने लोकसंख्येत ४ टक्के वाढ गृहीत धरली होती. त्यामुळे ही चूक दुरुस्त करून विद्यमान सरकारने नवीन निर्णय घेतला, असे बावनकुळे म्हणाले.
ओबीसीच्या राजकीय आरक्षणाबाबतचा अहवाल बांठिया आयोगाने तयार केला व तो राज्य सरकार व न्यायालयाने स्वीकारला आहे. त्यामुळे या मुद्यावर राष्ट्रवादीचे नेते छगन भुजबळ व काँग्रेस नेते विजय वडेट्टीवार यांनी बोलू नये, त्यांच्याच सरकारमुळे आरक्षणाला विलंब झाला हे त्यांनी मान्य करावे, असे बावनकुळे म्हणाले.