मुलीच्या पाळण्याच्या दोरीनेच पत्नीचा गळा आवळला ; खर्चासाठी पैसे मागताच नराधम पतीचे कृत्य

सोमवारी दुपारी घरखर्चासाठी पैशांची आवश्यकता असल्याने प्रीतीने पती विश्वजीतकडे पैसे मागितले. त्याने खिशात पैसे नसल्याचे सांगताच प्रीतीने एटीएम कार्ड मागितले. मात्र यावरून विश्वजीत संतापला व त्याने पैसे आणि एटीएम कार्ड देण्यास नकार देत प्रीतीला शिवीगाळ करण्यास सुरुवात केली.

हेही वाचा : धावत्या रेल्वेतून सव्वा किलो दागिने लंपास; व्यापारी झोपेत असताना साधला डाव

त्यानंतर त्याने तिला लाथाबुक्क्यांनी जबर मारहाण केली. तसेच लहान मुलीच्या पाळण्याच्या दोरीने प्रीतीचा गळा आवळून खून करण्याचा प्रयत्न केला. प्रीतीने कशीबशी त्याच्या तावडीतून स्वत:ची सुटका केली व थेट अंबाझरी पोलीस ठाणे गाठले. पोलिसांनी विविध कलमान्वये गुन्हा नोंदवून विश्वजीतला अटक केली.