लोकसत्ता टीम
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
गोंदिया: गोरेगाव तालुक्यातील गिधाडी येथे अवैधरित्या देशी, विदेशी दारूविक्री बंदीचा निर्णय महिलांनी ग्रामसभेत घेतला असून, यापुढे कोणी दारू विक्री करताना आढळल्यास त्याच्यावर एक लाख रुपये दंड आकारला जाणार आहे. या निर्णयामुळे गावातून अवैध दारूविक्री हद्दपार होईल, यात शंका नाही.
गिधाडी येथे जवळपास १५ ते १८ जणांकडून अवैधरित्या दारूविक्री केली जाते. त्यामुळे गावातील किशोरवयीन, तरुण व्यसनाधीन बनले आहेत. गावात अवैध देशी, विदेशी दारू विक्रीवर आळा घालण्याचा गावकऱ्यांनी प्रयत्न केला; पण अवैध दारूविक्री बंद करता आली नाही. दारूचा वाढता खप पाहता परवानाधारक देशी दारू (किरकोळ विक्रेत्याने कायमस्वरूपी दुकान थाटण्यासाठी ग्रामपंचायतीकडे नाहरकत प्रमाणपत्रा करिता रितसर अर्ज दाखल केला.
आणखी वाचा-राज्यातील ओबीसी विद्यार्थी आमदारांच्या पायरीवर ठिय्या देणार; सुरवात उपमुख्यमंत्र्यांच्या सचिवापासून…
त्यामुळे सरपंच, उपसरपंच, ग्रामसेवक यांनी महिला ग्रामसभा, विशेष ग्रामसभा आयोजित केली होती. या ग्रामसभेत देशी दारू दुकान परवाना धारकास नाहरकत प्रमाणपत्र देण्यात यावे किंवा नाहरकत प्रमाणपत्रास नकार देण्यात यावा, यासाठी १८ जून रोजी महिला ग्रामसभा व १९ जून रोजी विशेष ग्रामसभेचे आयोजन करण्यात आले होते. ही ग्रामसभा भरण्यापूर्वी महिलांनी गावात महिला जागृती मोर्चा काढला. गावातील अवैध दारूविक्री करणाऱ्यांना ताकीद दिली व ग्रामपंचायत भवनात आयोजित ग्रामसभेत परवानाधारक देशी किरकोळ दुकान लावण्यासाठी नाहरकत प्रमाणपत्र देऊ नये, गावात अवैध देशी, विदेशी दारूची विक्री करताना आढळल्यास एक लाख रुपये दंड ठोठावला जावा, असा निर्णय महिलांनी ग्रामसभेत घेतला.
अवैध दारू विक्री करणाऱ्याची माहिती देणाऱ्यास ५० हजार रुपये बक्षीस व उर्वरित ५० हजार रुपये गावाच्या विकासासाठी खर्च करण्यात यावे, असा ठराव मंजूर करण्यात आला आहे. ग्रामसभा दरम्यान गावात पोलीस बंदोबस्त तैनात करण्यात आला होता.
गिधाडी येथे अवैध धंदे करणाऱ्यांवर नियमाप्रमाणे गुन्हे दाखल करण्यात आले आहेत. परवाना धारक देशी दारू दुकान लावण्यासाठी परवानगी देणे किंवा न देणे हे काम ग्रामपंचायतच्या अखत्यारीत आहे. -अजय भुसारी, पोलिस निरीक्षक, गोरेगाव.
गोंदिया: गोरेगाव तालुक्यातील गिधाडी येथे अवैधरित्या देशी, विदेशी दारूविक्री बंदीचा निर्णय महिलांनी ग्रामसभेत घेतला असून, यापुढे कोणी दारू विक्री करताना आढळल्यास त्याच्यावर एक लाख रुपये दंड आकारला जाणार आहे. या निर्णयामुळे गावातून अवैध दारूविक्री हद्दपार होईल, यात शंका नाही.
गिधाडी येथे जवळपास १५ ते १८ जणांकडून अवैधरित्या दारूविक्री केली जाते. त्यामुळे गावातील किशोरवयीन, तरुण व्यसनाधीन बनले आहेत. गावात अवैध देशी, विदेशी दारू विक्रीवर आळा घालण्याचा गावकऱ्यांनी प्रयत्न केला; पण अवैध दारूविक्री बंद करता आली नाही. दारूचा वाढता खप पाहता परवानाधारक देशी दारू (किरकोळ विक्रेत्याने कायमस्वरूपी दुकान थाटण्यासाठी ग्रामपंचायतीकडे नाहरकत प्रमाणपत्रा करिता रितसर अर्ज दाखल केला.
आणखी वाचा-राज्यातील ओबीसी विद्यार्थी आमदारांच्या पायरीवर ठिय्या देणार; सुरवात उपमुख्यमंत्र्यांच्या सचिवापासून…
त्यामुळे सरपंच, उपसरपंच, ग्रामसेवक यांनी महिला ग्रामसभा, विशेष ग्रामसभा आयोजित केली होती. या ग्रामसभेत देशी दारू दुकान परवाना धारकास नाहरकत प्रमाणपत्र देण्यात यावे किंवा नाहरकत प्रमाणपत्रास नकार देण्यात यावा, यासाठी १८ जून रोजी महिला ग्रामसभा व १९ जून रोजी विशेष ग्रामसभेचे आयोजन करण्यात आले होते. ही ग्रामसभा भरण्यापूर्वी महिलांनी गावात महिला जागृती मोर्चा काढला. गावातील अवैध दारूविक्री करणाऱ्यांना ताकीद दिली व ग्रामपंचायत भवनात आयोजित ग्रामसभेत परवानाधारक देशी किरकोळ दुकान लावण्यासाठी नाहरकत प्रमाणपत्र देऊ नये, गावात अवैध देशी, विदेशी दारूची विक्री करताना आढळल्यास एक लाख रुपये दंड ठोठावला जावा, असा निर्णय महिलांनी ग्रामसभेत घेतला.
अवैध दारू विक्री करणाऱ्याची माहिती देणाऱ्यास ५० हजार रुपये बक्षीस व उर्वरित ५० हजार रुपये गावाच्या विकासासाठी खर्च करण्यात यावे, असा ठराव मंजूर करण्यात आला आहे. ग्रामसभा दरम्यान गावात पोलीस बंदोबस्त तैनात करण्यात आला होता.
गिधाडी येथे अवैध धंदे करणाऱ्यांवर नियमाप्रमाणे गुन्हे दाखल करण्यात आले आहेत. परवाना धारक देशी दारू दुकान लावण्यासाठी परवानगी देणे किंवा न देणे हे काम ग्रामपंचायतच्या अखत्यारीत आहे. -अजय भुसारी, पोलिस निरीक्षक, गोरेगाव.
