बुलढाणा : जिल्ह्यातील मलकापूर नजीक झालेल्या अपघातात किमान तीन जण ठार झाले. एक इसम गंभीर जखमी झाला असून वाहनात अडकला आहे. त्याला वाहनातून बाहेर काढण्याचे शर्थीचे प्रयत्न पोलीस, समाजसेवी व नागरिक करत आहे.
पोलीस अधिकारी व कर्मचारी घटनास्थळी बचावकार्य वाहतूक सुरळीत करण्यात व्यस्त आहे. यामुळे घटनेचा विस्तृत तपशील मिळू शकला नाही प्राथमिक माहितीनुसार राष्ट्रीय महामार्ग ६ वरील तालासवाडा फाट्या जवळ ही भीषण दुर्घटना घडली. ट्रक क्र. एम पी १४ ३७८६ आणि आयशर वाहन क एम एच १९ 19 सिएक्स ०९७७ यांची समोरासमोर भरवेगात धडक होऊन अपघात झाला आहे.
हेही वाचा…नागपूर, रामटेक मतदारसंघांवरून महायुती आणि महाविकास आघाडीत घोळ सुरूच
यामध्ये ३ जण जागेवरच ठार झाले. १ इसम जखमी असून गाडीत अडकून आहे. त्यांना काढण्यात येत आहे.मार्गावर सध्या दुरुस्ती मुळे एकेरी वाहतूक सुरू असल्याने सदरचा अपघात घडल्याची चर्चा आहे.
