नागपूर : ताडोबा-अंधारी व्याघ्रप्रकल्पातील वाघ एरवीही पर्यटकांना मनसोक्त दर्शन देतात. कधी मस्ती करताना, तर कधी पाणी पिताना, कधी भांडताना अशा नानाविध पर्यटकांचे मनोरंजन करतात. मात्र, ताडोबातील या वाघाला कदाचित या पर्यटकांचा कंटाळा आला असावा आणि म्हणूनच पर्यटनादरम्यान त्याने पर्यटकांना पाहून लांबलचक जांभई दिली. त्याच्या या कृतीतून तो जणू हेच सूचवत होता, की ‘बस आता..! मला तुमचा कंटाळा आलाय.’ त्याची ही कृती वन्यजीव संवर्धक व छायाचित्रकार दीप काठीकर यांनी त्यांच्या कॅमेऱ्यातून टिपली. ताडोबा-अंधारी व्याघ्रप्रकल्पात वाघांची संख्या जास्त आणि साम्राज्य देखील वाघांचेच. त्यामुळे त्यांच्या मनात आले तरच ते पर्यटकांच्या समोर येतील, नाही तर आपल्या कृतीतून ते पर्यटकांना परत जाण्याचा इशारा देखील देतील. या व्याघ्रप्रकल्पात वाघांची संख्या वाढली तरीही त्यांच्या दर्शनासाठी पर्यटकांची गर्दी वाढत चालली आहे. मात्र, वाघांचेच वर्चस्व ताडोबात अधोरेखित झालेले दिसून आले.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा >>> खुशी के आंसू! उमेदवारी मिळताच आमदारांच्या डोळ्यात आनंदाश्रू तरळले…

नक्की वाचा

ताडोबाच्या गाभा क्षेत्रातच नाही तर बफर क्षेत्रातही वाघांचेच साम्राज्य आहे. या दोन्ही क्षेत्रातील वाघांनी देशविदेशातील पर्यटकांना भूरळ घातली आहे. तसेही गेल्या दोन-तीन वर्षांपासून ताडोबा-अंधारी व्याघ्रप्रकल्पाच्या बफर क्षेत्रातील वाघांचा बोलबाला अधिक आहे. त्यामुळे आता गाभा क्षेत्र नाही तर बफर क्षेत्र पर्यटकांची पहिली पसंती आहे. या बफर क्षेत्रात छोटा मटका, नयनतारा, भानुसखिंडी, वीरा यासारख्या अनेक वाघांचे वर्चस्व राहिले आहे. ‘वीरा’ ही वाघीण याच बफर क्षेत्राची देण.

चिमूर तालुक्यातील पळसगाव बफर झोनअंतर्गत बेलारा पळसगाव गोंडमोहाळी जंगलात ‘वीरा’ ही वाघीण कायम पर्यटकांना भूरळ घालत असते. वीरा ही वाघीण ताडोबातील ‘जुनाबाई’ आणि ‘कमकाझरी’ यांचे अपत्य. गोंडमोहाडी पळसगाव क्षेत्रात तीचा नेहमीच वास राहीला आहे. मोठी झाल्यानंतर ‘झायलो’ या वाघासोबत ती पर्यटकांना दर्शन देऊ लागली. सतरा ते अठरा महिन्यांपूर्वी तीने दोन बछड्यांना जन्म दिला. त्यातला एक नर तर एक मादी बछडा आहे. पर्यटकांना कधीही तिने निराश केले नाही आणि आता तर ती बछड्यांसह पर्यटकांना दर्शन देऊ लागली आहे. वीराचा बछडे आता नुकतेच आईपासून वेगळे झाले आहेत आणि आपल्या स्वतंत्र अधिवासाचा शोध ते घेत आहेत. तिचा एक बछडा मदनापूर आणि बेलारा अशा दोन्ही क्षेत्रात फिरत असतो. यादरम्यान, त्याने पर्यटकांना अगदी सहज दर्शन दिले, पण त्याचवेळी लांबलचक जांभई देत पर्यटकांना जणू परत जाण्याचा इशाराही देत होता.

हेही वाचा >>> खुशी के आंसू! उमेदवारी मिळताच आमदारांच्या डोळ्यात आनंदाश्रू तरळले…

नक्की वाचा

ताडोबाच्या गाभा क्षेत्रातच नाही तर बफर क्षेत्रातही वाघांचेच साम्राज्य आहे. या दोन्ही क्षेत्रातील वाघांनी देशविदेशातील पर्यटकांना भूरळ घातली आहे. तसेही गेल्या दोन-तीन वर्षांपासून ताडोबा-अंधारी व्याघ्रप्रकल्पाच्या बफर क्षेत्रातील वाघांचा बोलबाला अधिक आहे. त्यामुळे आता गाभा क्षेत्र नाही तर बफर क्षेत्र पर्यटकांची पहिली पसंती आहे. या बफर क्षेत्रात छोटा मटका, नयनतारा, भानुसखिंडी, वीरा यासारख्या अनेक वाघांचे वर्चस्व राहिले आहे. ‘वीरा’ ही वाघीण याच बफर क्षेत्राची देण.

चिमूर तालुक्यातील पळसगाव बफर झोनअंतर्गत बेलारा पळसगाव गोंडमोहाळी जंगलात ‘वीरा’ ही वाघीण कायम पर्यटकांना भूरळ घालत असते. वीरा ही वाघीण ताडोबातील ‘जुनाबाई’ आणि ‘कमकाझरी’ यांचे अपत्य. गोंडमोहाडी पळसगाव क्षेत्रात तीचा नेहमीच वास राहीला आहे. मोठी झाल्यानंतर ‘झायलो’ या वाघासोबत ती पर्यटकांना दर्शन देऊ लागली. सतरा ते अठरा महिन्यांपूर्वी तीने दोन बछड्यांना जन्म दिला. त्यातला एक नर तर एक मादी बछडा आहे. पर्यटकांना कधीही तिने निराश केले नाही आणि आता तर ती बछड्यांसह पर्यटकांना दर्शन देऊ लागली आहे. वीराचा बछडे आता नुकतेच आईपासून वेगळे झाले आहेत आणि आपल्या स्वतंत्र अधिवासाचा शोध ते घेत आहेत. तिचा एक बछडा मदनापूर आणि बेलारा अशा दोन्ही क्षेत्रात फिरत असतो. यादरम्यान, त्याने पर्यटकांना अगदी सहज दर्शन दिले, पण त्याचवेळी लांबलचक जांभई देत पर्यटकांना जणू परत जाण्याचा इशाराही देत होता.