चंद्रपूर: ‘त्या’ वाघाच्या मिशा व चार दात जप्त

वरोरा तालुक्यातील माहलगाव शेतशिवारातील शेताच्या कुंपणाला विद्युत प्रवाह सोडून वाघाची शिकार करण्यात आली. त्यानंतर वाघाचे कुऱ्हाडीने चौदा तुकडे करून पोत्यात भरून वर्धा जिल्ह्याच्या शिवारात फेकून दिले. अवघ्या काही तासांत वाघाच्या अवयवांची विल्हेवाट लावताना आणि तुकडे व वाहतूक करताना आरोपीचे शर्ट-पॅन्ट रक्ताने माखले होते काय, त्याची शहानिशा वन विभागानी केली. रक्ताने माखलेले कपडे वनविभागाने जप्त केले आहे.

आणखी वाचा

धंगेकर-रासने लढतीच्या दुसऱ्या फेरीत कोणाची बाजी?

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

आंतरधर्मीय विवाहामुळे सैफ अली खानला मिळाल्या होत्या धमक्या; स्वतः खुलासा करत म्हणालेला, “आमच्या घराजवळ…”

चांगले वागण्याचे नाटक करून डॅडींचा सूर्याला फसविण्याचा प्लॅन; प्रोमो पाहताच नेटकरी म्हणाले, “तुमचं पोरगं आणि तुम्ही…”

सावंतवाडी: सह्याद्रीच्या पट्ट्यात घोटगेवाडी येथे दुर्मिळ उडता सोनसर्प आढळला

स्वारगेट स्थानकाच्या आवारात एसटी बसच्या धडकेत प्रवासी तरुणाचा मृत्यू

कल्याणमध्ये महिला पोलिसाला दिराकडून बेदम मारहाण

कार्तिक आर्यन समोर अन् पोरगी पॉपकॉर्न खाण्यात बिझी, VIDEO पाहून म्हणाल असा अ‍ॅटिट्यूड हवा!

वाघाचे तुकडे केल्यानंतर आरोपीने महालगाव शिवारातील शेतातील झोपडीमध्ये १७ नखे आणि जमिनीत पुरलेले चार दात ताब्यात घेतले. वाघाचे तुकडे पोत्यात भरून वर्धा जिल्ह्याच्या शिवारात वाहतूक करताना रक्ताने माखलेले कपडे आरोपी अविनाश भारत सोयाम याने पवनगाव शेत शिवारातील शेततळ्याच्या झुडपात लपवून ठेवले होते. आरोपीने ती जागा वनविभागाच्या अधिकाऱ्यांना दाखविली. चंद्रपूर, वर्धा वनविभागाने संयुक्त कारवाई करत वाघाच्या हत्येप्रकरणी भक्कम पुरावे गोळ्या केले आहे. या प्रकरणातील एक आरोपी फरार आहे. त्याच्या मागावर वनविभाग असून यामध्ये आणखी काही आरोपींना अटक होण्याची शक्यता वर्तवली जात आहे. ही कारवाई चंद्रपूर विभागीय वन अधिकारी प्रशांत खाडे, चंद्रपूर सहायक वनसंरक्षक वनिता चौरे, वर्धा सहायक वनसंरक्षक अमरजित पवार यांच्या मार्गदर्शनात वरोरा वनपरिक्षेत्र अधिकारी मधुकर राठोड, समुद्रपूर वनपरिक्षेत्र अधिकारी बारेकर, टेमुर्डा क्षेत्र सहाय्यक चांभारे, वनरक्षक केतकर नेवारे, वेदांती करीत आहे.