वाशीम : विमुक्त जमाती मध्ये गेल्या अनेक वर्षांपासून बनावट जात पडताळणी च्या आधारे घुसखोरी सुरू आहे. यामुळे मूळ विमुक्त जमाती तील १४ जातीच्या गरीब विध्यार्थ्यांच्या मेडिकल, इंजिनीरिंग, महाराष्ट्र लोक सेवा आयोगा मार्फत भरल्या जाणाऱ्या जागा तसेच शिक्षक, ग्रामसेवक, पोलीस, पटवारी आदी नोकऱ्यांमध्ये अन्याय होत असून या विरोधात वाशीम जिल्ह्यातील गहुली ते दिल्ली बंजारा लदेणी यात्रा काढण्यात येणार आहे. बनावट जात पडताळणी प्रमाणपत्र देणाऱ्या जातपडताळणी अधिकारी व लाभार्थी यांच्यावर कडक कार्यवाही करावी,यासाठी आमदार राजेश राठोड यांनी विधानपरिषदेच्या सभागृहात आवाज उठवला व एस आय टी चौकशी नेमण्यात सरकारला भाग पाडले होते. त्या अनुषंगाने वाशीम येथील शासकीय विश्रामगृहात नॅशनल सेवा डॉक्टर्स असोसिएशन च्या वतीने विदर्भातील प्रख्यात मूळव्याध तज्ज्ञ डॉ. सुभाष राठोड व हृदय रोग तज्ज्ञ डॉ टी. सी. राठोड यांनी आमदार राजेश राठोड यांचा शाल, श्रीफळ व पुष्पगुच्छ देऊन सत्कार केला. हेही वाचा >>> अरबी समुद्रातील चक्रीवादळाचे ‘तेज’ असे नामकरण; कसा असेल दोन्ही चक्रीवादळाचा प्रवास जाणून घ्या… यावेळी विविध विषयावर चर्चा करण्यात आली. येत्या ५ डिसेंबर रोजी महाराष्ट्राचे शिल्पकार, हरितक्रांतीचे प्रणेते स्व. वसंतराव नाईक यांच्या गहुली येथील पुतळ्याचे दर्शन घेऊन या लदेणी यात्रेची सुरुवात होणार आहे. या यात्रेचा दिल्लीत समारोप होणार आहे. या बैठकीचे आयोजन वाशीम तांड्याचे नायक दिलीप जाधव,कारभारी सुरेश राठोड,डॉ विजय जाधव व डॉ विपीन राठोड यांनी केले होते. यावेळी शेखर महाराज,राधेश्याम आडे,मिलिंद पवार, सुभाष तंवर,ऍडव्होकेट आकाश जाधव,कांतीलाल नाईक, राजेश राठोड,आत्माराम जाधव, विश्वनाथ राठोड,अशोक राठोड,प्रकाश राठोड,निलेश राठोड,अविनाश चव्हाण,डॉ सचिन पवार, प्रा अनिल राठोड, प्रा विलास राठोड, प्रा श्याम राठोड,प्रा गणेश चव्हाण,नेमीचंद महाराज,शंकर आडे यांच्यासह अनेकांची उपस्थिती होती.
