शिवनाथ एक्सप्रेसचे दोन डबे घसरले

नागपूर : कोरबाहून नागपूरकडे येत असलेल्या शिवनाथ एक्सप्रेसचे दोन डबे सोमवारी पहाटे डोंगरगड (छत्तीसगड) येथे घसरले. साखर झोपेत असलेल्या प्रवाशांना धक्का लागून किरकोळ दुखापत झाली. कोरबा इतवारी शिवनाथ एक्सप्रेस पहाटे पावणे चार वाजता डोंगरगड रेल्वे स्थानकाच्या यार्ड परिसरात इंजिनला लागून असलेले दोन डबे घसरले. त्यामुळे काही प्रवासी बर्थ वरून खाली पडले आणि त्यांना किरकोळ दुखापत झाली. रेल्वे प्रशासनाने तातडीने घटनास्थळी पोहोचून प्रवाशांना त्या दोन डब्यातून खाली उतरवले आणि इतर डब्यात त्यांची व्यवस्था केली.