लोकसत्ता टीम
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
नागपूर: नागपूरचा सागर कुंभारे आणि वर्धेतील त्याचा एक सहकारी अशा दोघांनी ‘हिमाचल’मधील लाहौल भागातील माऊंट युनाम हे २० हजार फुट उंचीचे शिखर सर करून तेथे १५ ऑगस्टला तिरंगा फडकवला. दोघेही १६ ऑगस्टच्या मध्यरात्री मनाली बेस कॅम्पमध्ये परतले. या मोहिमेत राज्यातील सहा गिर्यारोहक सहभागी झाले होते.
इंडियन माउंटेनरिंग फाऊंडेशन, दिल्लीद्वारे आयोजित या मोहिमेत दहा गिर्यारोहकांनी भाग घेतला. त्यात महाराष्ट्रातील ६, हरियाणा २, जम्मू-काश्मीर १, मध्य प्रदेशातील एकाचा समावेश होता. यात नागपूरचा सागर कुंभारे, वर्धेतील प्रा. प्रवीण शेळके यांच्यासह मुंबईचा प्रवीण मांजरखेडे, अमरावतीचा सुबोध वरघट, पुलगावचा निशांत सोनेकर, गडचिरोलीतील आदर्श मासटे यांचा समावेश होता.
आणखी वाचा- ‘पाईप कन्व्हेअर सिस्टीम’ सहा महिन्यांपासून बंद, चंद्रपूर वीज केंद्राला मोठा फटका
सागर कुंभारे व प्रा. प्रवीण शेळके हे मनाली बेस कॅम्पमध्ये १६ ऑगस्टच्या मध्यरात्री परत पोहचले. तेथून सागर ‘लोकसत्ता’शी संवाद साधला. सागर म्हणाला, ११ ऑगस्टला मनाली येथून निघाल्यानंतर किलॉंग जिस्पा, बारालाचा भरतपूर मार्गे शिखरावर चढाई सुरू केली. सुरुवातीला भरतपूर येथे पोहोचल्यानंतर शरीरातील प्राणवायूची पातळी ५५ इतकीच दाखवत होती.
वातावरणाशी जुळवून घेत विविध उपाय केल्यावर प्राणवायूची पातळी वाढवून ८० पर्यंत नेली. संपूर्ण चमू भरतपूर ते कॅम्प १ ही कठीण खाडी चढून १७ हजार फुटांवर पोहोचली. येथेही सर्व गिर्यारोहकांची प्राणवायू पातळी तपासण्यात आली. सगळ्यांनी एक दिवस येथे घालवला. समुद्रसपाटीपासून उंच ठिकाणावर गेल्यानंतर शरीराला त्या वातावरणाशी समरस होण्यासाठी वेळ द्यावा लागतो. प्राणवायूचे प्रमाण वाढवण्यासाठी सतत पाणी पिणे, दिवसा न झोपणे, शारीरिक हालचाली आवश्यक असतात. ते चमूने केले. येथे सगळ्यांनी १५ ऑगस्टला सकाळी शिखराला गवसणी घालण्याचे ठरले. चढाईला सुरुवात करण्यापूर्वी सर्व सदस्यांना चढाईचे योग्य प्रशिक्षण देण्यात आले होते. त्याच्या बळावर राज्यातील सहापैकी दोघे आणि इतर राज्यांतील काही सदस्य १५ ऑगस्टला पहाटे ७.४५ वाजता शिखरावर पोहचले. येथे राज्यातील दोघांनी तिरंगा फडकावला. त्यापूर्वी येथे वातावरण बिघडले होते. त्यामुळे राज्यातील चौघांनी शिखराच्या ४०० मीटरपूर्वीच माघार घेतली होती.
आणखी वाचा-विदर्भात आजपासून पावसाचे पुनरागमन; राज्याची स्थिती काय?
अडचणींचा डोंगर
चमूला शिखर चढताना वाटेत अणकुचीदार दगड व खडकांनी आच्छादलेला रस्ता लागला. त्यावर ९ तास चालताना अडचणींचाही सामना करावा लागला. या वाटेत दोन टप्प्यात बर्फही लागले. परंतु शिखरावर पोहचल्यावर तेथून चंद्रभागा व मुलकिला या रांगेतील पर्वत दिसू लागल्यावर वेगळाच आनंद झाला. शिखरावरून परतताना वातावरण अचानक बदलल्यामुळे बर्फाळ भागात सगळीकडे धुके पसरले. काही दिसत नव्हते. परंतु रस्त्याचा अंदाज घेत गाईडच्या मदतीने गिर्यारोहक परतले. अशाप्रकारे २०,०५० फुटांवरील शिखर सर करून सागर कुंभारे आणि प्रवीण शेळके यांनी विदर्भाच्या शिरपेचात मानाता तुरा रोवला.
नागपूर: नागपूरचा सागर कुंभारे आणि वर्धेतील त्याचा एक सहकारी अशा दोघांनी ‘हिमाचल’मधील लाहौल भागातील माऊंट युनाम हे २० हजार फुट उंचीचे शिखर सर करून तेथे १५ ऑगस्टला तिरंगा फडकवला. दोघेही १६ ऑगस्टच्या मध्यरात्री मनाली बेस कॅम्पमध्ये परतले. या मोहिमेत राज्यातील सहा गिर्यारोहक सहभागी झाले होते.
इंडियन माउंटेनरिंग फाऊंडेशन, दिल्लीद्वारे आयोजित या मोहिमेत दहा गिर्यारोहकांनी भाग घेतला. त्यात महाराष्ट्रातील ६, हरियाणा २, जम्मू-काश्मीर १, मध्य प्रदेशातील एकाचा समावेश होता. यात नागपूरचा सागर कुंभारे, वर्धेतील प्रा. प्रवीण शेळके यांच्यासह मुंबईचा प्रवीण मांजरखेडे, अमरावतीचा सुबोध वरघट, पुलगावचा निशांत सोनेकर, गडचिरोलीतील आदर्श मासटे यांचा समावेश होता.
आणखी वाचा- ‘पाईप कन्व्हेअर सिस्टीम’ सहा महिन्यांपासून बंद, चंद्रपूर वीज केंद्राला मोठा फटका
सागर कुंभारे व प्रा. प्रवीण शेळके हे मनाली बेस कॅम्पमध्ये १६ ऑगस्टच्या मध्यरात्री परत पोहचले. तेथून सागर ‘लोकसत्ता’शी संवाद साधला. सागर म्हणाला, ११ ऑगस्टला मनाली येथून निघाल्यानंतर किलॉंग जिस्पा, बारालाचा भरतपूर मार्गे शिखरावर चढाई सुरू केली. सुरुवातीला भरतपूर येथे पोहोचल्यानंतर शरीरातील प्राणवायूची पातळी ५५ इतकीच दाखवत होती.
वातावरणाशी जुळवून घेत विविध उपाय केल्यावर प्राणवायूची पातळी वाढवून ८० पर्यंत नेली. संपूर्ण चमू भरतपूर ते कॅम्प १ ही कठीण खाडी चढून १७ हजार फुटांवर पोहोचली. येथेही सर्व गिर्यारोहकांची प्राणवायू पातळी तपासण्यात आली. सगळ्यांनी एक दिवस येथे घालवला. समुद्रसपाटीपासून उंच ठिकाणावर गेल्यानंतर शरीराला त्या वातावरणाशी समरस होण्यासाठी वेळ द्यावा लागतो. प्राणवायूचे प्रमाण वाढवण्यासाठी सतत पाणी पिणे, दिवसा न झोपणे, शारीरिक हालचाली आवश्यक असतात. ते चमूने केले. येथे सगळ्यांनी १५ ऑगस्टला सकाळी शिखराला गवसणी घालण्याचे ठरले. चढाईला सुरुवात करण्यापूर्वी सर्व सदस्यांना चढाईचे योग्य प्रशिक्षण देण्यात आले होते. त्याच्या बळावर राज्यातील सहापैकी दोघे आणि इतर राज्यांतील काही सदस्य १५ ऑगस्टला पहाटे ७.४५ वाजता शिखरावर पोहचले. येथे राज्यातील दोघांनी तिरंगा फडकावला. त्यापूर्वी येथे वातावरण बिघडले होते. त्यामुळे राज्यातील चौघांनी शिखराच्या ४०० मीटरपूर्वीच माघार घेतली होती.
आणखी वाचा-विदर्भात आजपासून पावसाचे पुनरागमन; राज्याची स्थिती काय?
अडचणींचा डोंगर
चमूला शिखर चढताना वाटेत अणकुचीदार दगड व खडकांनी आच्छादलेला रस्ता लागला. त्यावर ९ तास चालताना अडचणींचाही सामना करावा लागला. या वाटेत दोन टप्प्यात बर्फही लागले. परंतु शिखरावर पोहचल्यावर तेथून चंद्रभागा व मुलकिला या रांगेतील पर्वत दिसू लागल्यावर वेगळाच आनंद झाला. शिखरावरून परतताना वातावरण अचानक बदलल्यामुळे बर्फाळ भागात सगळीकडे धुके पसरले. काही दिसत नव्हते. परंतु रस्त्याचा अंदाज घेत गाईडच्या मदतीने गिर्यारोहक परतले. अशाप्रकारे २०,०५० फुटांवरील शिखर सर करून सागर कुंभारे आणि प्रवीण शेळके यांनी विदर्भाच्या शिरपेचात मानाता तुरा रोवला.
