यवतमाळ : यवतमाळ – वाशिम लोकसभा मतदारसंघात महायुती आणि महाविकास आघाडीच्या उमेदवारांबाबत अद्यापही संभ्रम कायम आहे. मात्र उमेदवार जाहीर होतील तेव्हा होतील, वातावरण निर्मिती झालीच पाहिजे, यावर सर्व प्रमुख पक्षांनी आणि नेत्यांनी लक्ष्य केंद्रीत केले आहे. यवतमाळ जिल्ह्यातील यवतमाळ-वाशिम, चंद्रपूर-आर्णी व हिंगोली-उमरखेड या तिन्ही लोकसभा क्षेत्रात सध्या राजकीय दौरे आणि नेत्यांच्या सभांची रेलचेल वाढली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
पंतप्रधान नरेंद्र मोदी यांनी दोन आठवड्यांपूर्वी महिला मेळाव्यातून जनतेला अप्रत्यक्ष साद घातल्यानंतर आता महाविकास आघाडीचा घटक पक्ष असलेल्या शिवसेना (उबाठा)चे पक्षप्रमुख उद्धव ठाकरे यांची तोफ यवतमाळ-वाशिम लोकसभा मतदारसंघात धडाडणार आहे. या मतदारसंघात शिवसेना (उबाठा)चे संजय देशमुख हे महाविकास आघाडीचे संभाव्य उमेदवार राहण्याची शक्यता आहे. मुळचे शिवसैनिक असलेल्या संजय देशमुख यांनी आपल्या राजकीय पुनर्वसनासाठी वेळोवेळी पक्षीय भूमिका बदललेल्या आहेत.
हेही वाचा…वाशिम : महायुतीकडून चंद्रकांत ठाकरे ? बॅनरमुळे चर्चेला उधाण !
शिवसेना, अपक्ष, काँग्रेस, पुन्हा शिवसेना (उबाठा) असा त्यांचा प्रवास राहिला आहे. महाविकास आघाडीत यवतमाळ-वाशिमची जागा मिळावी यासाठी फार रस्सीखेच नाही. मात्र ‘इलेक्टिव्ह मेरीट’चा विषय पुढे आला तर काँग्रेसमधून या जागेवर उमेदवारीचा दावा केला जावू शकतो. सध्यातरी शिवसेना (उबाठा)चे कार्यकर्ते मतदारसंघात सक्रिय झाले आहेत. त्याच अनुषंगाने पक्षप्रमुख उद्धव ठाकरे यांच्या चार सभांचे नियोजन यवतमाळ व वाशिम जिल्ह्यात करण्यात आले आहे.
१२ आणि १३ मार्च रोजी ठाकरे यांच्या या सभा होणार आहेत. मंगळवारी १२ ला सकाळी राळेगाव येथे, संध्याकाळी पुसद येथे, तर बुधवारी १३ ला सकाळी कारंजा आणि संध्याकाळी वाशिम येथे या सभा होणार आहेत. यावेळी उद्धव ठाकरे हे पक्षातील प्रमुख पदाधिकारी आणि कार्यकर्त्यांशीही संवाद साधणार आहेत. एका अर्थाने पंतप्रधान नरेंद्र मोदी यांच्याप्रमाणेच उद्धव ठाकरे हे सुद्धा यवतमाळातून लोकसभा निवडणुकीच्या प्रचाराचे बिगूल फुंकणार असल्याची चर्चा आहे.
हेही वाचा…धक्कादायक! शाळेतील शिक्षिकांकडून मारहाण अन् नववीच्या विद्यार्थ्याने संपवले जीवन
…आणि पुसदच्या सभेचे स्थळ बदलले
शिवसेना (उबाठा)चे पक्षप्रमुख उद्धव ठाकरे यांची सभा १२ मार्च रोजी पुसद येथील स्व. शेषराव पाटील जिनिंग आणि प्रेसिंगच्या प्रांगणात आयोजित केली आहे. मात्र पुसदच्या ‘बंगल्या’हून या जिनिंगच्या प्रांगणात सभा घेवू नये, असा थेट निरोप आयोजकांना देण्यात आला आणि सभेसाठी नवीन स्थळ शोधणे सुरू झाले. पुसद येथील माजी मंत्री मनोहर नाईक यांच्या पॅनलची जिनिंग प्रेसिंगमध्ये सत्ता आहे. सत्ताधाऱ्यांनी शिवसेनेच्या आयोजकांना सभेसाठी ना-हरकत प्रमाणत्रही दिले होते.
हेही वाचा…शिकारी ‘शाहीन फाल्कन’ पाच महिन्यांपासून यवतमाळात मुक्कामी
परंतु, सध्या दिल्लीत यवतमाळ-वाशिम लोकसभा मतदारसंघात भाजपकडून मनोहर नाईक यांच्या स्नुषा व राष्ट्रवादी अजित पवार गटाचे आमदार इंद्रनील नाईक यांच्या सहचारिणी मोहिनी नाईक यांना भाजपकडून उमेदवारी देण्याबाबत खल सुरू आहे. त्या अनुषंगाने भाजपने येथे मोहिनी यांना उमेदवारी दिल्यास उगाच विरोधकांच्या सभेला आपल्या जिनिंगची जागा दिल्याची नामुष्की नको म्हणून सभा स्थळ बदलण्याची सूचना नाईक यांच्या आग्रहावरून करण्यात आली. शिवसेनेच्या स्थानिक पदाधिकाऱ्यांनीही नाईकांच्या विनंतीला मान देत सभास्थळ बदलण्याचा निर्णय घेतला.
पंतप्रधान नरेंद्र मोदी यांनी दोन आठवड्यांपूर्वी महिला मेळाव्यातून जनतेला अप्रत्यक्ष साद घातल्यानंतर आता महाविकास आघाडीचा घटक पक्ष असलेल्या शिवसेना (उबाठा)चे पक्षप्रमुख उद्धव ठाकरे यांची तोफ यवतमाळ-वाशिम लोकसभा मतदारसंघात धडाडणार आहे. या मतदारसंघात शिवसेना (उबाठा)चे संजय देशमुख हे महाविकास आघाडीचे संभाव्य उमेदवार राहण्याची शक्यता आहे. मुळचे शिवसैनिक असलेल्या संजय देशमुख यांनी आपल्या राजकीय पुनर्वसनासाठी वेळोवेळी पक्षीय भूमिका बदललेल्या आहेत.
हेही वाचा…वाशिम : महायुतीकडून चंद्रकांत ठाकरे ? बॅनरमुळे चर्चेला उधाण !
शिवसेना, अपक्ष, काँग्रेस, पुन्हा शिवसेना (उबाठा) असा त्यांचा प्रवास राहिला आहे. महाविकास आघाडीत यवतमाळ-वाशिमची जागा मिळावी यासाठी फार रस्सीखेच नाही. मात्र ‘इलेक्टिव्ह मेरीट’चा विषय पुढे आला तर काँग्रेसमधून या जागेवर उमेदवारीचा दावा केला जावू शकतो. सध्यातरी शिवसेना (उबाठा)चे कार्यकर्ते मतदारसंघात सक्रिय झाले आहेत. त्याच अनुषंगाने पक्षप्रमुख उद्धव ठाकरे यांच्या चार सभांचे नियोजन यवतमाळ व वाशिम जिल्ह्यात करण्यात आले आहे.
१२ आणि १३ मार्च रोजी ठाकरे यांच्या या सभा होणार आहेत. मंगळवारी १२ ला सकाळी राळेगाव येथे, संध्याकाळी पुसद येथे, तर बुधवारी १३ ला सकाळी कारंजा आणि संध्याकाळी वाशिम येथे या सभा होणार आहेत. यावेळी उद्धव ठाकरे हे पक्षातील प्रमुख पदाधिकारी आणि कार्यकर्त्यांशीही संवाद साधणार आहेत. एका अर्थाने पंतप्रधान नरेंद्र मोदी यांच्याप्रमाणेच उद्धव ठाकरे हे सुद्धा यवतमाळातून लोकसभा निवडणुकीच्या प्रचाराचे बिगूल फुंकणार असल्याची चर्चा आहे.
हेही वाचा…धक्कादायक! शाळेतील शिक्षिकांकडून मारहाण अन् नववीच्या विद्यार्थ्याने संपवले जीवन
…आणि पुसदच्या सभेचे स्थळ बदलले
शिवसेना (उबाठा)चे पक्षप्रमुख उद्धव ठाकरे यांची सभा १२ मार्च रोजी पुसद येथील स्व. शेषराव पाटील जिनिंग आणि प्रेसिंगच्या प्रांगणात आयोजित केली आहे. मात्र पुसदच्या ‘बंगल्या’हून या जिनिंगच्या प्रांगणात सभा घेवू नये, असा थेट निरोप आयोजकांना देण्यात आला आणि सभेसाठी नवीन स्थळ शोधणे सुरू झाले. पुसद येथील माजी मंत्री मनोहर नाईक यांच्या पॅनलची जिनिंग प्रेसिंगमध्ये सत्ता आहे. सत्ताधाऱ्यांनी शिवसेनेच्या आयोजकांना सभेसाठी ना-हरकत प्रमाणत्रही दिले होते.
हेही वाचा…शिकारी ‘शाहीन फाल्कन’ पाच महिन्यांपासून यवतमाळात मुक्कामी
परंतु, सध्या दिल्लीत यवतमाळ-वाशिम लोकसभा मतदारसंघात भाजपकडून मनोहर नाईक यांच्या स्नुषा व राष्ट्रवादी अजित पवार गटाचे आमदार इंद्रनील नाईक यांच्या सहचारिणी मोहिनी नाईक यांना भाजपकडून उमेदवारी देण्याबाबत खल सुरू आहे. त्या अनुषंगाने भाजपने येथे मोहिनी यांना उमेदवारी दिल्यास उगाच विरोधकांच्या सभेला आपल्या जिनिंगची जागा दिल्याची नामुष्की नको म्हणून सभा स्थळ बदलण्याची सूचना नाईक यांच्या आग्रहावरून करण्यात आली. शिवसेनेच्या स्थानिक पदाधिकाऱ्यांनीही नाईकांच्या विनंतीला मान देत सभास्थळ बदलण्याचा निर्णय घेतला.
