नागपूर: नोकरीच्या शोधात असलेल्या उमेदवारांसाठी एक आनंदाची बातमी आहे. केंद्रीय लोकसेवा आयोग म्हणजेच यूपीएससीने सहाय्यक संचालक आणि इतर अनेक पदांसाठी भरती जाहीर केली आहे. या भरतीसाठीची अर्ज प्रक्रिया सुरु झाली आहे. या भरतीसाठी इच्छुक उमेदवार अधिकृत संकेतस्थळाला भेट देऊन अर्ज करू शकतात. केंद्रीय लोकसेवा आयोगाकडून भरतीसाठी अधिसूचना जारी करण्यात आली आहे.
असिस्टंट डायरेक्टरसह अनेक पदांवर भरती
या भरतीसाठीची अर्ज प्रक्रिया २८ऑक्टोबरपासून सुरु करण्यात आली असून इच्छूक उमेदवारांनी लवकरात लवकर अधिकृत वेबसाईटवर अर्ज दाखल करा. इच्छुक उमेदवार यूपीएससीच्या अधिकृत वेबसाइट upsc.gov.in वर ऑनलाइन अर्ज दाखल करू शकतात. या भरतीअंतर्गत ४६ पदांवर भरती केली जाणार आहे. या भरतीसाठी अर्ज दाखल करण्याची शेवटची तारीख १६ नोव्हेंबर आहे. या भरतीमध्ये पात्र ठरलेल्या उमेदवारांना पदानुसार वेतनस्तर १० ते वेतन स्तर १३ पर्यंत वेतन मिळेल. या भरतीसाठीची निवड परीक्षा आणि त्यानंतर मुलाखतीद्वारे केली जाईल. निवड भरती चाचणी आणि मुलाखतीद्वारे भरतीमध्ये पात्र ठरण्यासाठी उमेदवाराने मुलाखतीच्या टप्प्यावर श्रेणीतील योग्यतेची किमान पातळी गाठणे आवश्यक आहे.
स्पेशलिस्ट ग्रेड : ७ पदे
सहाय्यक संचालक : ३९ पदे
प्राध्यापक : १ पद वरिष्ठ व्याख्याता (सीनियर लेक्चरर) : ३ पदे
