अमेरिकेतील निवडणुकीत नागपूरकर धोपटे विजयी

ते नागपूर जिल्ह्य़ातील खापा येथील रहिवासी आहेत. त्यांचे वडील दिवंगत हरिदास वामनराव धोपटे हे भारतीय वायुदलात विंग कमांडर होते. त्यांचे शिक्षण पुण्यात झाले. श्रीकांत हे उत्तर अमेरिकेतील न्यू जर्सी राज्यातील चेस्टरफिल्ड या शहरातील  निवडणुकीत विजयी आले आहेत. त्यांची निवड तीन वर्षांसाठी आहे. शहराचा प्रमुख निवड करणाऱ्या पाच सदस्यीय समितीमध्ये त्यांचा समावेश झाला आहे. ते डेमोक्रेटिक पक्षाचे उमेदवार होते. त्यांनी रिपब्लिकन पक्षाच्या उमेदवाराला पराभूत केले. ते सन २००० ला अमेरिकेला गेले. गेल्या दहा वर्षांपासून चेस्टरफिल्ड या १५ ते २० हजार  लोकसंख्येच्या शहरात राहत असून त्यांना नागरिकत्व मिळाले आहे. ४५ व्या वर्षी टाऊनशिप कमिटीच्या निवडणुकीच्या माध्यमातून राजकीय क्षेत्रात पदार्पण केले आहे.