ताडोबातील ‘छोटा मटका’ च्या वारसदाराची करामत पर्यटकांच्या नजरेत

नागपूर : ताडोबा-अंधारी व्याघ्रप्रकल्पातील वाघच नाही तर या व्याघ्रप्रकल्पातील वाघांचे बछडेही करामती करुन पर्यटकांना आकर्षित करत आहेत. ताडोबात ‘मटका’ या वाघाने आधी साम्राज्य गाजवले, पण त्याचा वारसदार म्हणजेच ‘छोटा मटका’ त्यापेक्षाही करामती निघाला. आता तर या छोट्या मटक्याचे तिन्ही बछडे हाच वारसा पुढे चालवत आहे. खरं तर वयाची दोन वर्षे पूर्ण होत असताना वाघ शिकार करायला शिकतो. मात्र, हे बछडे कमी वयातच शिकारीचा प्रयत्न करायला लागले आहेत. भलेही शिकार त्यांच्या हातून सुटली तरीही पर्यटकांना त्यांच्या या करामतीने वेड लावले आहे.

आणखी वाचा

वर्धा : प्रजननकाळच बिबट्यांच्या जीवावर उठतोय, जंगल सोडून रस्त्यावर येतात, आणि….

महाराष्ट्राचा पुढचा मुख्यमंत्री कोण होईल? राज ठाकरेंनी थेट…

लोकसत्ता गणेशोत्सव क्विझच्या विजेत्यांचा सन्मान

‘शिकार करो या शिकार बनो’, बैलाची शिकार करण्यासाठी वाघाचा क्रूर हल्ला; VIDEO पाहून अंगावर येईल काटा

‘मॉर्निंग वॉक’ करताय! पण वाघाचे कुटुंब…

‘नो राईट टर्न’: वाहतुकीच्या नव्या प्रयोगावर नागपुरकरांची प्रतिक्रिया, हा तर ‘नाकापेक्षा मोती जड’!

Video : ताडोबातील ‘छोटा मटका’ झाडांवर नखाने ओरबाडत होता अन्…

‘प्रत्येक जीव मौल्यवान असतो!’ बेशुद्ध सापाला CPR देऊन तरुणानं दिलं जीवदान! Viral Videoमध्ये पाहा थरारक बचाव मोहिम

अलीकडेच भारतीय क्रिकेट जगतातील दोन दिग्गज फलंदाज सचिन तेंडूलकर आणि गोलंदाज अनिल कुंबळे व्याघ्रदर्शनासाठी ताडोबा-अंधारी व्याघ्रप्रकल्पात येऊन गेले. या दोघांनाही वेगवेगळ्या नावांनी परिचित असलेल्या वाघांनी दर्शनही दिले. अनिल कुंबळेने ज्या ‘छोटा मटका’ या बफर क्षेत्रात अधिराज्य गाजवणाऱ्या वाघासाठी त्याचा मुक्काम वाढवला. त्या ‘छोटा मटका’ने त्याला हुलकावणी दिली आणि कुंबळेला त्याच्या दर्शनाविनाच परतावे लागले. त्याच्या दोन दिवसानंतरच हा वाघ आपल्या तिन्ही बछड्यांसह ताडोबाच्या रस्त्यावर शिकार शोधताना दिसला. ‘छोटा मटका’ हा वाघ आणि ‘बबली’ या वाघिणीला दीड वर्षाचे दोन नर बछडे ‘काली’ आणि ‘बाली’ तसेच एक मादी बछडा ‘शौरी’ आहेत.

आणखी वाचा-यवतमाळ : पोहरादेवीला नवस फेडायला जाताना अपघात, पाच ठार

ताडोबातील नवेगाव सफारी प्रवेशद्वारावरुन पर्यटक सफारीसाठी निघाल्यानंतर त्यांना हे कुटुंब रस्त्यावर दिसले. ‘छोटा मटका’ या बछड्यांसाठी शिकार शोधत असताना त्यातील एका बछड्याने त्याचेच अनुकरण करण्याचा प्रयत्न केला. एक मोठे रानडुक्कर त्याला रस्ता ओलांडताना दिसले. कुटुंबापासून थोड्या दूर अंतरावर चालत असलेल्या या बछड्याला ते दिसले आणि तो त्या रानडुकराच्या मागे धावायला लागला. मात्र, हे रानडुक्कर प्रचंड मोठे होते आणि ते काही त्या बछड्याच्या आवाक्यात आले नाही. दरम्यान, तो पुन्हा त्याच्या कुटुंबात सामील झाला आणि ‘छोटा मटका’ सोबत झाडांच्या मागे लपला. त्यानंतर ‘छोटा मटका’ शिकारीसाठी समोर आला. काही वर्षांपूर्वी उमरेड-कऱ्हांडला अभयारण्यात ‘जय’ नामक वाघ प्रसिद्ध झाला होता. नागझिरा अभयारण्यात असताना त्याने अवघ्या दीड वर्षातच रानगव्याची शिकार केली होती. हे बछडेही तोच कित्ता गिरवताना दिसून आले. ‘डेक्कन ड्रिफ्टस’चे पीयूष आकरे आणि कांचन पेटकर यांनी ही कामगिरी टिपली.