बुलढाणा: जिल्हा परिषदेविरोधात एकवटले माटरगाव; कडकडीत बंद; विद्यार्थी आंदोलनानंतर पालकांवर केलेल्या कारवाईचा निषेध

माटरगाव येथील जिल्हा परिषद माध्यमिक शाळेतील शिक्षकांची रिक्त पदे भरावी व भौतिक सुविधा उपलब्ध करून देण्याच्या मागणीसाठी तीनशे विध्यार्थी व पालकांनी जिल्हा परिषद परिसरात शाळा भरविली.

हेही वाचा… गोंदियातील भात रोवणी अंतिम टप्प्यात; ८६.४७ टक्के क्षेत्रात पेरणी

मात्र त्यांच्या मागण्यांची पूर्तता करण्याऐवजी शिक्षणाधिकारी प्रकाश मुकुंद यांनी पोलिसात तक्रार दिली. यावरून शाळा समिती अध्यक्षासह ९ पालकांवर गुन्हे दाखल करण्यात आले. या कारवाईच्या निषेधार्थ गावकऱ्यांनी आज शनिवारी गावात कडकडीत बंद पाळला. जिल्हा परिषद प्रशासनाच्या विरोधात ग्रामस्थानी निषेध नोंदवला. यामुळे गावातील दैनंदिन व्यवहार ठप्प पडले.