चंद्रपूर :विधानसभा निवडणुकीसाठी बुधवार २० नोव्हेंबरला सकाळी ७ वाजता मतदानाला सुरुवात झाली. जिल्ह्यातील ६ विधानसभा मतदार संघात सकाळी ९ वाजेपर्यंत झालेल्या मतदानाची आकडेवारी प्राप्त झाली असून, त्यानुसार जिल्ह्यातील चिमूर विधानसभा मतदारसंघात सर्वाधिक, तर चंद्रपूर विधानसभा मतदारसंघात सर्वात कमी मतदान होत आहे. .सकाळी ९ वाजेपर्यंत चिमूर परिसरात सर्वाधिक १०.२६ टक्के, तर चंद्रपूर परिसरात सर्वात कमी ४.७८ टक्के मतदान झाले. इतर भागात सकाळी ९ वाजेपर्यंतच्या मतदानानुसार बल्लारपूरमध्ये ८.८२ टक्के, राजुरा येथे ८.७८, ब्रह्मपुरी ९.२६ आणि वरोरा येथे ७.२९ टक्के मतदान झाले आहे.
दरम्यान, चंद्रपूर जिल्ह्याचे जिल्हाधिकारी विनय गौडा, मुख्यकार्यकारी अधिकारी जिल्हा परिषद विवेक जॉन्सन तर पोलीस अधीक्षक सुदर्शन मुम्मका यांनी मतदान केंद्रावर जात सहकुटुंब मतदानाचा हक्क बजावला
