Maharashtra Vidhan Sabha Election 2024 : चंद्रपुरात मतदान संथगतीने, चिमूर मतदारसंघात मात्र सर्वाधिक…

चंद्रपूर :विधानसभा निवडणुकीसाठी बुधवार २० नोव्हेंबरला सकाळी ७ वाजता मतदानाला सुरुवात झाली. जिल्ह्यातील ६ विधानसभा मतदार संघात सकाळी ९ वाजेपर्यंत झालेल्या मतदानाची आकडेवारी प्राप्त झाली असून, त्यानुसार जिल्ह्यातील चिमूर विधानसभा मतदारसंघात सर्वाधिक, तर चंद्रपूर विधानसभा मतदारसंघात सर्वात कमी मतदान होत आहे. .सकाळी ९ वाजेपर्यंत चिमूर परिसरात सर्वाधिक १०.२६ टक्के, तर चंद्रपूर परिसरात सर्वात कमी ४.७८ टक्के मतदान झाले. इतर भागात सकाळी ९ वाजेपर्यंतच्या मतदानानुसार बल्लारपूरमध्ये ८.८२ टक्के, राजुरा येथे ८.७८, ब्रह्मपुरी ९.२६ आणि वरोरा येथे ७.२९ टक्के मतदान झाले आहे.