राजेश्वर ठाकरे, लोकसत्ता
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
नागपूर : राज्यातील एकमेव राष्ट्रीय सिंचन प्रकल्प गोसीखुर्दची निधीबाबतची प्रतीक्षा काही संपताना दिसत नाही. चालू आर्थिक वर्षांत साडेसातशे कोटींची कामे करण्यात आली. परंतु, शासनाकडून केवळ अडीचशे कोटी रुपये प्राप्त झाले.
राज्य सरकारने हा प्रकल्प जून २०२४ पर्यंत पूर्ण करण्याचे नवीन लक्ष्य ठेवले आहे. माजी अर्थमंत्री देवेंद्र फडणवीस यांनी या प्रकल्पासाठी २०२३-२४ च्या अर्थसंकल्पात १५०० कोटी रुपयांची तरतूद केली. चालू आर्थिक वर्षांत सुमारे २२०० ते २३०० कोटींची कामे सुरू असून सुमारे साडेसातशे रुपयांची कामे पूर्ण झाली आहेत. वित्त विभागाने २५३ कोटी रुपये जलसंपदा खात्याला वितरित केले आहेत. आणखी पाचशे कोटी रुपये ऑगस्ट २०२३ पर्यंत येणे अपेक्षित आहे. कामाची गती कायम ठेवण्यासाठी नियमित निधी पुरवठा होणे आवश्यक असते, असे मत विदर्भ पाटबंधारे विकास महामंडळाच्या वरिष्ठ अधिकाऱ्याने व्यक्त केले.
आणखी वाचा-जगातील सर्वात मोठ्या ‘संगीत कारंजी’ प्रकल्पाला किड्यांचा वेढा!
तत्कालीन महाविकास आघाडी सरकारने या प्रकल्पासाठी २०२२-२३ आर्थिक वर्षांत ८५६.४५ कोटींची तरतूद केली होती. त्यापैकी ८३५.७६ कोटी दिले होते. वास्तविक यावर्षी देखील या प्रकल्पाला १५०० कोटींची गरज होती. राज्य सरकार गोसीखुर्द प्रकल्प पूर्ण करण्याची तारीख वारंवार वाढवत आहे,असेलोकनायक बापूजी अणे स्मारक समितीचे अध्यक्ष ॲड. अविनाश काळे म्हणाले
नागपूर : राज्यातील एकमेव राष्ट्रीय सिंचन प्रकल्प गोसीखुर्दची निधीबाबतची प्रतीक्षा काही संपताना दिसत नाही. चालू आर्थिक वर्षांत साडेसातशे कोटींची कामे करण्यात आली. परंतु, शासनाकडून केवळ अडीचशे कोटी रुपये प्राप्त झाले.
राज्य सरकारने हा प्रकल्प जून २०२४ पर्यंत पूर्ण करण्याचे नवीन लक्ष्य ठेवले आहे. माजी अर्थमंत्री देवेंद्र फडणवीस यांनी या प्रकल्पासाठी २०२३-२४ च्या अर्थसंकल्पात १५०० कोटी रुपयांची तरतूद केली. चालू आर्थिक वर्षांत सुमारे २२०० ते २३०० कोटींची कामे सुरू असून सुमारे साडेसातशे रुपयांची कामे पूर्ण झाली आहेत. वित्त विभागाने २५३ कोटी रुपये जलसंपदा खात्याला वितरित केले आहेत. आणखी पाचशे कोटी रुपये ऑगस्ट २०२३ पर्यंत येणे अपेक्षित आहे. कामाची गती कायम ठेवण्यासाठी नियमित निधी पुरवठा होणे आवश्यक असते, असे मत विदर्भ पाटबंधारे विकास महामंडळाच्या वरिष्ठ अधिकाऱ्याने व्यक्त केले.
आणखी वाचा-जगातील सर्वात मोठ्या ‘संगीत कारंजी’ प्रकल्पाला किड्यांचा वेढा!
तत्कालीन महाविकास आघाडी सरकारने या प्रकल्पासाठी २०२२-२३ आर्थिक वर्षांत ८५६.४५ कोटींची तरतूद केली होती. त्यापैकी ८३५.७६ कोटी दिले होते. वास्तविक यावर्षी देखील या प्रकल्पाला १५०० कोटींची गरज होती. राज्य सरकार गोसीखुर्द प्रकल्प पूर्ण करण्याची तारीख वारंवार वाढवत आहे,असेलोकनायक बापूजी अणे स्मारक समितीचे अध्यक्ष ॲड. अविनाश काळे म्हणाले
