वर्धा : एखाद्या प्रोजेक्टबाबत जनता संवेदनशील झाले की लोकप्रतिनिधी किती घायकुतीस येतात याचे उदाहरण म्हणून हिंगणघाट येथील शासकीय वैद्यकीय महाविद्यालयाचे देता येईल. नवी शासकीय वैद्यकीय महाविद्यालये राज्यात सुरू करण्याची घोषणा शासनाने केली तेव्हा वर्धा जिल्हा त्यात होता. वर्धा शहरलागत सातोडा येथे जागा नमूद करीत शासनाने घोषणा केली तेव्हा प्रथम विरोधात आवाज हिंगणघाटवासियांचा उमतला. संघर्ष समिती घोषित करीत जनता कामाला लागली. २६५ दिवस आंदोलन चालले. प्रथम आमदार समीर कुणावार यांनी काहीच मत व्यक्त केले नव्हते. पण जेव्हा लोकं आमदार झोपले काय, असे जाहीर विचारू लागले तेव्हा कुणावार हे पण कामास लागले. प्रश्न आमदारकीवर उठणार, हे लक्षात येताच कुणावार यांनी महाविद्यालय हिंगणघाट येथे देणार नसाल तर माझ्या आमदारकीचा राजीनामा घ्या, असा ईशारा देऊन टाकला. आक्रमक असलेल्या भाजप विरोधकांना श्रेय जाण्यापेक्षा कुणावार यांच्या भूमिकेस श्रेय देणे बरे, अशी भूमिका सत्ताधारी मंडळींनी घेतल्याची चर्चा हे महाविद्यालय हिंगणघाट येथे जाहीर झाल्यावर झाली. आता जागेचा तिढा आहेच. कुणावार यांचा संबंध जोडत दान दिलेली जागा विरोधक अतुल वांदिले, संघर्ष समिती व राष्ट्रवादीने घेतली. ती दात्याने मग व्यथित होत परत घेतली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
