नागपूर- पुणे जाणारी खासगी बस एकच, मात्र वाहन क्रमांक दोन ; वाशीम पोलिसांची कारवाई

कागदपत्रे मागितली असता चालकाने उडवाउडवीची उत्तरे दिली. पोलिसांनी सखोल पाहणी केली असता वाहनावर के.ए. ५१ एबी ३६२७ असा क्रमांक होता. चेचीस क्रमांक ऑनलाईन तपासला असता वाहनाचा नोंदणी क्रमांक के. ए. ५१ डी. ८७१२ असल्याचे आढळून आले. वाहन क्र. ८७१२ चा वाहन कर दि. ३१/८/२०२१ पर्यंत भरलेला असून योग्यता प्रमाणपत्र दि.२२/१२/२१ रोजी संपलेले आहे. वाहनाचा विमा, पीयुसी व परवान्याची वैधता ऑनलाईन प्रणालीत आढळून आली नाही. यावरून वाहनचालक जमिलुद्दीन शेरफुदीन (४८, रा. चिंचवड), अर्जुन प्रभाकर हिवरकर (३८, रा. येरद, ता. यवतमाळ) व लखन उर्फ राम राजू राठोड (३२, रा. शेलोडी, ता. दारव्हा) यांच्यावर गुन्हा दाखल केला. या प्रकरणाचा तपास उपविभागीय पोलीस अधिकारी केडगे यांच्या मार्गदर्शनात एपीआय मंजूषा मोरे करीत आहेत.

आणखी वाचा

वंदे भारत प्रवाशाला अन्नात सापडले किडे, रेल्वेने केटररला ठोठावला ५० हजार रुपयांचा दंड

महायुतीला सत्ता मिळाली, लाडक्या बहिणींना २१०० रुपये कधीपासून…

दोन कोटींच्या खंडणीसाठी शासकीय ठेकेदाराचा खून; ग्रामीण पोलिसांकडून एकास अटक; मध्य प्रदेशातून दोघे ताब्यात

पिस्तूल बाळगणारा सराइत गजाआड, कात्रज बाह्यवळण रस्ता परिसरात कारवाई

वाहतूक पोलिसांना धक्काबुक्की करणाऱ्या दाम्पत्याविरुद्ध गुन्हा, कारवाई टाळण्यासाठी बनावट वाहन क्रमांकाची पाटी

कल्याणीनगर अपघात प्रकरणात दोन आरोपींविरुद्ध आरोपपत्र दाखल

रिक्षाचालकांच्या मागण्या ऐरणीवर! निवडणुकीच्या तोंडावर रिक्षा पंचायतीकडून जाहीरनाम्याद्वारे उमेदवारांकडे पाठपुरावा

हेही वाचा : धनुष्यबाण चिन्ह गोठवण्याला ‘ते’च जबाबदार ; आमदार संजय गायकवाड

शनिवारी पहाटे नाशिक जिल्ह्यात चिंतामणी ट्रॅव्हल्सचा अपघात होऊन पेट घेतल्याने १२ प्रवाशांचा नाहक बळी गेला. या अपघातावरून खासगी बस सुरक्षेचा प्रश्न ऐरणीवर आला असतानाच एकाच बसचे दोन क्रमांक, त्यातही योग्यता प्रमाणपत्र, विमा आदी कागदपत्रांचा कार्यकाळ संपलेला असताना शासनाची दिशाभूल करून प्रवाशांचा जीव धोक्यात घातल्याबाबत खासगी बसवर पोलिसांनी कारवाई केली. यावरून खासगी बस चालकांचा गोरखधंदा उघड झाला असून परिवहन विभागाने सर्वच खासगी बसगाड्यांची तपासणी करावी, अशी मागणी केली जात आहे.