देवेंद्र फडणवीस म्हणाले, "आमचे सरकार आजही आहे, उद्याही राहणार"

आमदार अपात्रेतेप्रकरणी विधानसभा अध्यक्ष राहुल नार्वेकर योग्य निर्णय घेतील. राज्यात महायुती सरकार आजही आहे आणि उद्याही ते स्थीर राहणार, असा विश्वास उपमुख्यमंत्री देवेंद्र फडणवीस यांनी व्यक्त केला.

Devendra Fadnavis on MLA disqualification case

देवेंद्र फडणवीस म्हणाले, "आमचे सरकार आजही आहे, उद्याही राहणार" (संग्रहित छायाचित्र)

नागपूर : आमदार अपात्रेतेप्रकरणी विधानसभा अध्यक्ष राहुल नार्वेकर योग्य निर्णय घेतील. राज्यात महायुती सरकार आजही आहे आणि उद्याही ते स्थीर राहणार, असा विश्वास उपमुख्यमंत्री देवेंद्र फडणवीस यांनी व्यक्त केला. संत जगनाडे महाराज पुण्यातिथी कार्यक्रमाच्या निमित्ताने उपमुख्यमंत्री देवेंद्र फडणवीस नागपुरात आले असता ते प्रसार माध्यमांशी बोलत होते.

शिवसेनेमध्ये फूट पडून झालेल्या सत्तांतरानंतर विधानसभा अध्यक्षांपुढे सुनावणी झाली. या प्रकरणाचा निकाल बुधवारी विधानसभेचे अध्यक्ष राहुल नार्वेकर हे जाहीर करणार आहे. मुख्यमंत्री एकनाथ शिंदे यांच्यासह त्यांच्या गटातील १६ आमदारांचे राजकीय भवितव्य ठरवणारा हा निकाल आहे. त्यावर उपमुख्यमंत्री देवेंद्र फडणवीस म्हणाले, महायुतीमध्ये भारतीय जनता पक्ष, शिवसेना आणि राष्ट्रवादी काँग्रेस असे अतिशय कायदेशीर अशा प्रकारचे सरकार आम्ही तयार केले आहे. त्यामुळे आम्हाला पूर्ण अपेक्षा आहे की अध्यक्षाच्या निकालानंतर आम्हाला शंभर टक्के न्याय मिळणार आहे. राज्यात महायुतीचे सरकार स्थीर असून सरकार कालही स्थीर होते आणि उद्याही ते स्थीर राहणार आहे, असा पूर्ण विश्वास मला असल्याचे फडणवीस म्हणाले. निकाल एकनाथ शिंदे यांच्या शिवसेनेच्या बाजूने लागला तर त्यांच्या गटातील सर्व आमदारांवर असलेली अपात्रतेची टांगती तलवार दूर होईल त्यामुळे सरकारला कुठलाही धोका नाही, असेही फडणवीस म्हणाले.

आणखी वाचा

Narendra Modi Thane, Narendra Modi Ghodbunder,

विकासशत्रू महाविकास आघाडीला रोखा – पंतप्रधान नरेंद्र मोदी

aarya jadhao missing in Bigg boss marathi reunion

Bigg Boss Marathi 5: सर्व एलिमिनेटेड सदस्यांची घरात…

Rajiv Patil is preparing to contest the assembly elections 2024 from BJP Vasai Print politics news

वसईत ठाकूरांचे शिलेदार राजीव पाटील भाजपाच्या वाटेवर

Prime Minister Narendra Modi Home Minister Amit Shah visit Thane district

मुख्यमंत्र्यांच्या ठाण्यात भाजपची मोर्चेबांधणी सुरू; पंतप्रधान नरेंद्र मोदी, गृहमंत्री अमित शहा यांचा ठाणे जिल्हा दौरा

बदलापूर प्रकरण: मुनगंटीवार म्हणाले, महाविकास आघाडीचे नेते दुतोंडी

Nana Patole gave a reaction about becoming Chief Minister

नाना पटोले म्हणतात, “मी मुख्यमंत्री व्हावे…”

eknath shinde on one nation one election

CM Eknath Shinde : ‘एक देश, एक निवडणुकी’च्या प्रस्तावाला केंद्रीय मंत्रिमंडळाची मंजुरी; मुख्यमंत्री एकनाथ शिंदे म्हणाले, “या निर्णयामुळे…”

Navi Mumbai Semiconductor Project, Eknath Shinde,

राज्यात आमचेच सरकार असणार, मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचा दावा

हेही वाचा – वाघाने पर्यटकांसमक्ष रानडुकराची केली शिकार, थरारक व्हिडीओ एकदा पहाच…

हेही वाचा – गडचिरोली : सशक्तीकरण मेळाव्यात महिलांची अन्न व पाण्यासाठी धावाधाव; मुख्यमंत्री, उपमुख्यमंत्र्यांची तीन तासांपासून प्रतीक्षा

देवेंद्र फडणवीस यांनी आमदार अपत्रातेप्रकरणी एकनाथ शिंदेंच्या गटाला न्याय मिळेल असा विश्वास व्यक्त केला आहे. दरम्यान राहुल नार्वेकर यांनी वर्षावर जात मुख्यमंत्री एकनाथ शिंदे यांची भेट घेत त्यांच्यासोबत चर्चा केली. त्यामुळे राहुल नार्वेकर यांच्या भेटीमुळे राजकीय वर्तुळात उलट सुलट चर्चेला तोंड फुटले होते, त्यामुळे उद्याच्या निकालाकडे सर्वाचे लक्ष लागले आहे.

First published on: 09-01-2024 at 15:15 IST

Web Title: What did devendra fadnavis say about mla disqualification case vmb 67 ssb

देवेंद्र फडणवीस म्हणाले, “आमचे सरकार आजही आहे, उद्याही राहणार”