नागपूर : विदर्भात आयोजित करण्यात येत असलेल्या ॲडव्हाटेंज विदर्भाच्या उद्घाटनासाठी रतन टाटा, अनिल अंबानी हे मोठे उद्योगपती येतील मात्र आपल्याकडे अंबानी टाटा केव्हा तयार होतील. आपण प्लास्टीकच्या पिशव्या आणि मेणबत्ती तयार करणार का असा सवाल करत गडकरी यांनी उद्योजकांना विदर्भात उद्योग वाढवा, असे आवाहन केले.
असोसिएशन फॉर इंडस्ट्रियल डेव्हलपमेंट (एड) जानेवारी महिन्यात खासदार औद्योगिक महोत्‍सव ‘ॲडव्हाटेंज विदर्भ’चे आयोजन करण्यात आले आहे. या महोत्सवाच्या निमित्ताने आयोजित उद्योपतीच्या बैठकीत गडकरी बोलत होते. विदर्भाचा विकास करायचा असेल तर रेल्वेचे डब्बे न होता इंजिन बनले पाहिजे. तुम्ही काम करा आम्ही पाठिशी आहो असे सांगणारे अनेक समोर येतील, मात्र पुढाकार घेऊन मी करतो असे म्हणणारे कमी आहे, त्यामुळे डब्बे हऊन फायदा नाही इंजिन बना आणि विदर्भाच्या औद्योगिक विकास कसा करण्यासाठी प्रयत्न करा, असे आवाहन गडकरी यांनी उद्योजकांना केले.
हेही वाचा – गडकरी म्हणतात, ‘शासकीय यंत्रणा कुचकामी ठरत आहे…’
हेही वाचा – यवतमाळमध्ये २५ एकरात फूड पार्क, पाच हजार कोटींची गुंतवणूक
‘ॲडव्‍हांटेज विदर्भ’चा उद्देश शेतकऱ्यांच्‍या आत्‍महत्‍या कमी करणे व युवकांना रोजगार उपलब्‍ध करून देणे हा आहे. विदर्भातील मागास जिल्‍ह्यातदेखील उद्योगाचा विकास झाल्‍यास मोठ्या प्रमाणात रोजगार निर्मिती होईल, त्‍याने गरीबी दूर होईल आणि विदर्भात समृद्धी येईल, असे नितीन गडकरी यांनी सांगितले.
