वर्धा : शरद पवारांच्या वर्धेत स्वारस्य दाखवण्यामागे कुस्तीगिर परिषदेतील राजकारण कारणीभूत असल्याचे बोलले जात आहे. वर्धेत भाजपचे रामदास तडस विरूद्ध राष्ट्रवादीचे अमर काळे असा थेट सामना रंगण्याची चिन्हे आहेत. वर्धेतील सभेत देवेंद्र फडणवीस यांनी पवारांनी या जिल्ह्यातून काँग्रेस हद्दपार केल्याचा टोला लगावतांनाच तडस यांनी कुस्तीगिर परिषदेत पवारांना धोबीपछाड दिल्याचे आवर्जून नमूद केले होते. यामागे कुस्तीगिर परिषदेचे राजकारण आठविल्या जाते. वर्षभरापूर्वी राज्य कुस्तीगिर परिषदेत गटाचे राजकारण गाजले होते. संघटनेचे सर्वेसर्वा शरद पवार यांनी वेळ देवू शकत नसल्याचे कारण देत त्यांचे विश्वासू बाळासाहेब लांडगे यांच्याकडे जबाबदारी सोपवली. ते निष्क्रिय असल्याचा आरोप करीत रामदास तडस यांनी संघटना बरखास्त करण्याचा डाव यशस्वी केला. राष्ट्रीय अध्यक्ष ब्रिजभूषण यांचे सहकार्य लाभल्याने तडस संघटनेच्या अध्यक्षपदी विराजमान झाले. हाच तो धोबीपछाडचा डाव म्हटल्या जातो.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
