गडचिरोलीमधील देसाईगंजमध्ये रानटी हत्तींची मनसोक्त जलक्रीडा

महिनाभरापूर्वी गडचिरोली जिल्ह्यात दाखल झालेल्या रानटी हत्तींच्या कळपाने धानोरा, कुरखेडा तालुका होत देसाईगंज तालुक्यात प्रवेश केला आहे. त्यामुळे या परिसरातील नागरिकांना सतर्क राहण्याचे आवाहन वन विभागाकडून करण्यात आले आहे. कुरखेडा आणि धानोरा तालुक्यात या कळपाने मोठ्या प्रमाणात शेतीचे नुकसान केले आहे. सोबतच एका नागरिकाला जखमीदेखील केले होते. त्यामुळे एकीकडे वाघ आणि दुसरीकडे रानटी हत्तींचा कळप, अशा दुहेरी संकटात देसाईगंज रहिवासी आणि वन विभाग सापडल्याचे चित्र आहे.