नागपूर : ‘भारत जोडो’ यात्रेकरिता महिला काँग्रेसची बाईक रॅली

राहुल गांधी यांच्या ‘भारत जोडो’ यात्रेच्या वातावरण निर्मितीसाठी शहर महिला काँग्रेसच्या कार्यकर्त्यांनी बुधवारी संविधान चौक ते सेंट्रल ॲव्हेन्यूवरील महात्मा गांधी पुतळ्यापर्यंत दुचाकी मिरवणूक काढली.राहुल गांधी यांची भारत जोडो यात्रा विदर्भात १५ नोव्हेंबरला येत आहे. त्यासाठी संपूर्ण विदर्भात विविध उपक्रम राबवून जनजागृती करण्यात येत आहे. या यात्रेचा प्रचार केला जात आहे. संविधान चौकातील डॉ. बाबासाहेब आंबेडकर यांच्या प्रतिमेला माल्यार्पण करून शहर महिला काँग्रेसच्या अध्यक्षा नॅश अली यांच्या नेतृत्वाखाली ही बाईक रॅली निघाली. त्यानंतर सेंट्रल ॲव्हेन्यू येथील महात्मा गांधी यांच्या पुतळ्याला पुष्पहार घालून दुचाकी मिरवणुकीचा सांगता करण्यात आली.

हेही वाचा >>>जाचक अटींमुळे शेतकरी त्रस्त ; शासकीय योजनेचे लाभार्थी अतिवृष्टीबाधितांच्या मदतीस अपात्र

आणखी वाचा

नागपूर : बंद वाहतूक सिग्नल; वाहनचालकांना मन:स्ताप, महापालिका-वाहतूक पोलिसांचे दुर्लक्ष

महायुतीला सत्ता मिळाली, लाडक्या बहिणींना २१०० रुपये कधीपासून…

नागपूर संभाजीनगरला जोडणारी एकही रेल्वेगाडी का नाही

नागपूरकरांनो, दिव्यांग मतदारांना ‘ही’ मोफत सेवा…

पाेलिसांच्या नियोजनामुळे वाहतूक सुरळीत-पंतप्रधानांच्या सभेसाठी कडक बंदोबस्त

पंतप्रधानांच्या सभेमुळे खारघरचे रस्ते चकाचक

बंदोबस्ताची रंगीत तालीम; मध्यभागात वाहतूक कोंडी

या काँग्रेस नेत्या डॉ. चित्रा तूर आणि माजी नगरसेविका रजनी बरडे यांनी हिरवा झेंडा दाखवून मिरणुकीचा प्रारंभ केला. या मिरवणुकीत महिला काँग्रेसच्या प्रदेश सरचिटणीस कांता पराते, आशा राऊत, पुनम कामडी, उषा धुर्वे, नंदा अतकरे, विजया धोटे, पार्वती राठोड, रिचा जैन, सुजाता कोंबाडे, रोजीना शेख, सुरेखा लोंढे यांच्यासह अनेक कार्यकर्त्या सहभागी झाल्या होत्या.