“नेत्‍यांची एसीमध्‍ये शाही मेजवानी, तर श्री सदस्‍यांना भर उन्‍हात छावणी”, यशोमती ठाकूर आक्रमक, म्हणाल्या, “मुख्‍यमंत्री व उपमुख्‍यमंत्र्यांवर..”

महाराष्‍ट्र प्रदेश कॉंग्रेस समितीच्‍या सूचनेनुसार शहर, जिल्‍हा कॉंग्रेस पदाधिकाऱ्यांनी खारघर प्रकरणी विधिमंडळाचे विशेष अधिवेषण बोलवण्‍याबाबत भूमिका मांडली, तर यासंदर्भात राज्‍यपाल रमेश बैस यांना निवेदन सादर करण्‍यात येईल, अशी माहिती कॉंग्रेसचे जिल्‍हाध्‍यक्ष बबलू देशमुख यांनी दिली. दरम्‍यान, यशोमती ठाकूर यांनी भाजपाच्‍या नेत्‍यांच्‍या मेजवानीचे छायाचित्र दाखवून ‘नेत्‍यांची एसीमध्‍ये शाही मेजवानी, तर श्री सदस्‍यांना भर उन्‍हात छावणी’ असे म्‍हणत राज्‍य सरकारवर टीका केली. या घटनेत नेमके कितीजणांचे मृत्‍यू झाले, याची अधिकृत आकडेवारी जाहीर करावी, अशी मागणी त्‍यांनी केली.

आणखी वाचा

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

१६ नोव्हेंबर पंचांग: कृतिका नक्षत्रात मेषला शुभ दिवस,…

दखल: बायजाबाई यांच्या कर्तृत्वाचा आढावा

“चोवीस तास उपलब्ध राहणाऱ्या आमदाराचा विचार करा”, खासदार डॉ. श्रीकांत शिंदे यांचे आवाहन

अमित शहांनी फोन काढला आणि थेट फडणवीसांना लावला… म्हणाले, “पुन्हा…”

भाईंदर: महापालिकेच्या सेल्फी पॉईंटमधील विजेचा धक्का, जखमी मुलीचा उपचारादरम्यान मृत्यू

कल्याण ग्रामीणमध्ये श्रीकांत शिंदे – राजू पाटील यांच्यातील संघर्ष टोकाला

”महाविकास आघाडीचा जाहीरनामा ही पंचसूत्री नसून थापासुत्री”; मुख्यमंत्री एकनाथ शिंदे यांची टीका!

हेही वाचा – वाशीम: बिबट्याच्या बछड्यांचा क्षणभर विसावा

मृतांच्‍या कुटुंबीयांना पाच लाख रुपये नव्‍हे, तर एक कोटी रुपयांची मदत करावी, कारण या सोहळ्यासाठी १३ कोटी रुपये खर्च करण्‍यात आल्‍याची माहिती आहे. त्‍यामुळे श्री सदस्‍यांच्‍या कुटुंबीयांना मदत करण्‍याची जबाबदारी ही सरकारची आहे, असे यशोमती ठाकूर म्‍हणाल्‍या.

खारघर घटनेची चौकशी करण्यासाठी सरकारने महसूल विभागाच्या अतिरिक्त मुख्य सचिवांच्या अध्यक्षतेखाली नेमलेली एक सदस्यीय समिती ही केवळ धुळफेक आहे. सरकारच सरकारची चौकशी करत असेल तर ती निष्पक्ष कशी असेल? म्हणून सरकारने खारघर घटनेची न्यायालयीन चौकशी करावी अशी आमची मागणी असल्‍याचे त्‍यांनी सांगितले. पत्रकार परिषदेला कॉंग्रेसचे जिल्‍हाध्‍यक्ष बबलू देशमुख, आमदार बळवंत वानखडे, जिल्‍हा बँकेचे अध्‍यक्ष सुधाकर वानखडे, प्रदेश प्रवक्‍ते मिलिंद चिमोटे, माजी महापौर विलास इंगोले, भैय्या पवार आदी उपस्थित होते.

हेही वाचा – ‘देशाच्या गृहमंत्र्यांनी खारघर येथे केवळ शक्तीप्रदर्शन केले, मात्र अनेकांचे जीव गेले’, आमदार अमित झनक यांचा आरोप

शेतकऱ्यांसाठी निधीची चणचण, पर्यटणावर कोट्यवधींची उधळण

अयोध्‍या येथे रामदर्शनासाठी गेलेल्या सरकारच्या प्रवासावर लाखो रुपये खर्च होतात, तर २५ लाखांच्या महाराष्ट्र भूषण पुरस्कारासाठी चक्क १३ कोटी रुपये खर्च होतो, मात्र शेतकऱ्यांच्या घरात हरभरा पडून असतांनाही नाफेड हरभरा खरेदी बंद करण्याचे तोंडी आदेश देतात, हा कोणता न्याय आहे. शेतकऱ्यांच्या हरभरा खरेदीसाठी पैसा नाही, मात्र सरकारच्या पर्यटनावर कोट्यवधींची उधळपट्टी होते, हा कोणता न्याय आहे. आणि गतिमान सरकार असा कांगावा केल्या जातो, असाही आरोप त्यांनी यावेळी केला.