“संघर्ष केल्याशिवाय मोठे होता येत नाही…” काय म्हणाल्या प्रतीभा धानोरकर

नागपूर: चंद्रपूरची निवडणूक सोपी नाही, संघर्ष केल्याशिवाय माणूस मोठा होत नाही, असे मत चंद्रपूर लोकसभा मतदारसंघाच्या काँग्रेसच्या उमेदवार प्रतिभा धानोरकर यांनी व्यक्त केले. त्या नागपूर विमानतळावर माध्यमांशी बोलत होत्या.

आणखी वाचा

प्रमुख बंडखोरांमुळे महायुती व मविआची वाट बिकट

IND vs NZ : ऋषभ पंतच्या वादग्रस्त विकेटवर…

प्रदूषणमुक्त दिवाळी संकल्पना हवेत ,कोट्यवधींच्या फटाक्यांचा आवाज व धूर

जनता वसाहतीत ‘रुट मार्च’ अडवून रिक्षाचालकाकडून पोलिसांना धक्काबुक्की

नागपूरच्या देवगिरीवर फडणवीसांच्या उपस्थितीत रात्री अडीचपर्यंत बंडखोरांची समजूत घालण्यासाठी प्रयत्न

विश्लेषण: सिंचन घोटाळा काय होता? त्यात अजित पवारांविरुद्ध गुन्हा का नाही?

निवडणुकीत तेली समाजाचे पक्षीय प्रतिनिधित्व, काही ठिकाणी तर तेली विरुद्ध तेलीच

बंडोंबांना थंड करण्‍याची मोहीम सुरू; अनेक ठिकाणी संघर्ष अटळ

महाविकास आघाडीत चंद्रपूरच्या जागेचा तिढा सुटत नव्हता. दिवंगत खासदार बाळू धानोरकर यांच्या पत्नी प्रतिभा धानोरकर व विरोधी पक्ष नेते विजय वडेट्टीवर यांची कन्या शिवानी यांनी या मतदारसंघातून उमेदवारी मागितली होती. प्रतिभा धानोरकर यांचा दावा प्रबळ होता, पण वडेट्टीवार यांनीही संपूर्ण शक्ती मुलीच्या उमेदवारीसाठी पणाला लावली होती अखेर रविवारी काँग्रेसने याबाबत अंतिम निर्णय घेतला व प्रतिभा धानोरकर यांना उमेदवारी देण्यात आली. आज त्या नागपूरला आल्या. विमानतळावर त्यांचे मतदारसंघातील कार्यकर्त्यांनी जोदार स्वागत केले.

आणखी वाचा-रश्मी बर्वे प्रकरणी शासकीय यंत्रणेचा दुरुपयोग! यंत्रणांनी दाखवलेली तत्परता थक्क करणारी

माध्यमांशी बोलताना प्रतिभा धानोरकर म्हणाल्या, माझ्या उमेदवारीसाठी सर्व गटांनी, घटक पक्षांच्या नेत्यांनी प्रयत्न केले. पती दिवंगत बाळू धानोरकर यांच्या प्रमाणेच मलाही उमेदवारीसाठी संघर्ष करावा लागला. चंद्रपूरची निवडणूक सोपी नाही, मात्र संघर्ष केल्याशिवाय मोठेहोता येत नाही. त्यामुळे यापुढेही मी संघर्ष करीतच राहणार आहे. विजय वडेट्टीवार यांच्या संदर्भात विचारण्यात आलेल्या प्रश्नांना त्यांनी संयमीपणे उत्तर दिले. त्यांना उमेदवारी मिळाली असती तर मी प्रचाराला गेले असते, मला उमेदवारी मिळाली तर ते प्रचाराला येतील. शेवटी ही निवडणूक हुकूमशाही विरुद्द लोकशाही अशी आहे, उमेदवारी अर्ज भरण्याच्या वेळी मी वडेट्टीवार यांना बोलवणार आहे, असे धानोरकर म्हणाल्या.