नागपूर : अंबाझरी तलावात बुडून मुलाचा मृत्यू ; दहा महिन्यातील बारावा बळी |youth death for drowned at ambazari lake in nagpur

या प्रकरणी अंबाझरी पोलिसांनी आकस्मिक मृत्यूची नोंद केली आहे.

नागपूर

October 10, 2022 08:49 IST

संग्रहित छायाचित्र

मित्रांसोबत अंबाझरी तलावावर फिरायला आलेल्या १२ वर्षीय मुलाला पोहण्याचा मोह आवरता आला नाही. त्या मुलाचा पोहताना बुडून मृत्यू झाला. शौर्य तुकाराम कोहळे (१२, रा. लोखंडेनगर) असे मृत मुलाचे नाव आहे. गेल्या १० महिन्यांतील अंबाझरी तलावातील हा बारावा बळी आहे, हे विशेष. शौर्य हा शनिवारी दुपारी दोन वाजता वस्तीतील चार मित्रांसह अंबाझरी तलावावर गेला होता.

चौघेही पाण्यात उतरले. शौर्य याला पोहणे येत नव्हते तरी तो खोल पाण्यात गेला. तो बुडायला लागला. त्यामुळे त्याच्या तीनही मित्रांनी आरडाओरड केली. परंतु, त्याला कुणीही मदत केली नाही. माहिती मिळताच अग्निशमन दलाचे जवान अंबाझरी तलावावर पोहचले. त्यांनी शौर्यचा शोध घेतला. परंतु, त्याचा मृतदेह मिळून आला नव्हता. रविवारी सकाळी शौर्यचा मृतदेह तरंगताना आढळून आला. या प्रकरणी अंबाझरी पोलिसांनी आकस्मिक मृत्यूची नोंद केली

First published on: 10-10-2022 at 08:49 IST

Web Title: Youth death for drowned at ambazari lake in nagpur tmb 01