मॅक्सचे संकेत अन डॉक्टरांची सतर्कता; बिबट्या जेरबंद करण्यात योगदान

दिवाळीच्या सुट्टीतील शुक्रवारची सकाळ नाशिककरांमध्ये भीती पसरवणारी ठरली. सिडकोत दाखल झालेल्या बिबट्याला पकडण्यासाठी वन विभाग प्रयत्नशील असतानाच याच सुमारास गोविंदनगरमधील अशोका प्राईड इमारतीत अजून एक बिबट्या शिरला. या इमारतीत तळमजल्यावर डॉ. सुशील अहिरे यांची (अंतर्गत जिना असणारी दुहेरी) सदनिका आहे. ते सकाळी नेहमीप्रमाणे मॅक्ससोबत फिरायला गेले होते. त्यांच्या घरातील एका खोलीत बिबट्या वातानुकूलीत यंत्रालगत कपाटावर जाऊन बसला. तेव्हा घरात केवळ डॉ. अहिरे यांची पत्नी डॉ. प्रतिभा अहिरे होत्या. त्या एका खोलीत झोपल्या होत्या. काही वेळात डॉ. सुशील घरी परतले.

आणखी वाचा

VIDEO…अन् ‘तो’ चक्क कुत्र्याला कचाकचा चावला; हल्ला करताच रागावलेल्या तरुणानं घेतला बदला, पण शेवट…

Devendra Fadnavis Income : उपमुख्यमंत्र्यांची एकूण संपत्ती किती?…

मैं हूँ ना…! मालकिणीला मदत करण्यासाठी श्वानाची धडपड; काठी काढण्यासाठी मारली उडी अन्… पाहा VIRAL VIDEO

तीन दिवसांपूर्वी जन्मलेल्या कुत्र्याच्या ५ पिलांवर पेट्रोल टाकून जाळलं; झोप मोड होते म्हणून २ महिलांचं क्रूर कृत्य

मुंबई: राष्ट्रीय उद्यानातील वाघ, बिबट्या पालकांच्या प्रतीक्षेत

Video : सिद्धू मूसेवालाच्या आठ महिन्यांच्या भावाचं झालं अन्नप्राशन; व्हिडीओ पाहून चाहते म्हणाले, “त्याला प्रत्येक…”

मेंदूत गाठ असलेल्या लहान मुलांमधील स्मृतिभ्रंश टाळण्यासाठी संशोधन; गेल्या दोन वर्षांत टाटा रुग्णालयाचे संशोधन पूर्ण

“नुसता पसारा करतात…” चिमुकलीने काढली वडीलांची खरडपट्टी, Video होतोय व्हायरल

हेही वाचा… नाशिकमधील सिडकोत एक बिबट्या जेरबंद, गोविंदनगरमध्ये दुसऱ्याला पकडण्यासाठी शिकस्त

दरवाजाजवळ पोहचताच मॅक्सचे वागणे बदलले. तो एकदम अस्वस्थ झाला. भुंकत, भुंकत तो घरात येरझाऱ्या घालू लागला. एक-दोन वेळा तर तो बिबट्या असणाऱ्या खोलीत गेला. अकस्मात बदललेले त्याचे वागणे पाहून डाॅक्टरही सावध झाले. घरात उंदीर शिरला तरी मॅक्सचे वागणे बदलते. आपण मॅक्सच्या संकेतानुसार त्या खोलीत नेमके काय आहे, हे बघायला गेलो तर, कपाटावर बिबट्याचे दर्शन घडले, असे डॉ. अहिरे यांनी सांगितले.

बिबट्याला पाहिल्यानंतर आपण क्षणाचाही विलंब न करता त्या खोलीचा दरवाजा बाहेरून लावून घेतला. पत्नीला इशारा देत घराबाहेर जाण्यास सांगितले. खोलीत बंद केलेल्या बिबट्याची माहिती वन विभागाला दिली. १० ते १५ मिनिटांच्या या नाट्यमय घडामोडी होत्या, असे डॉ. अहिरे यांनी नमूद केले.

हेही वाचा… नाशिकमध्ये दुसरा बिबट्याही जेरबंद; निवांत बसलेला ‘एसी’च्या बाजुला!

घरात आगंतुकाप्रमाणे दाखल झालेल्या बिबट्याने स्वयंपाक घरातील ओट्यासह इतरत्र फेरफटका मारल्याच्या खुणा आढळल्या. सदनिकेतील अन्य खोलीत प्रकाशाची तीव्रता अधिक होती. त्यामुळे बिबट्या जिथे प्रकाशाची तीव्रता कमी, अशा खोलीत गेल्याचा अंदाज डॉ. अहिरे यांनी व्यक्त केला. बिबट्याची चाहूल सर्वप्रथम मॅक्सला लागली. मॅक्स डॉबरमॅन कुत्रा असून तो साडेचार वर्षाचा आहे. त्याचे संकेत आणि डॉक्टरांची सतर्कता वन विभागाचे काम सोपे करणारी ठरली.