बारा ज्योर्तिलिंगापैकी एक असलेल्या त्र्यंबकेश्वर येथे श्रावणात भाविकांची होणारी गर्दी लक्षात घेऊन विशेष नियोजन करण्यात येत आहे. राज्य परिवहन महामंडळ, देवस्थान, नगरपालिका प्रशासन, पोलीस यांचे नियोजन अंतिम टप्प्यात आहे. भाविकांना कुठलाही त्रास होऊ नये, यासाठी काही बदल करण्यात येत आहेत. त्र्यंबकेश्वर येथे श्रावणात कायमच भाविकांची मोठ्या प्रमाणावर गर्दी होत असते. देशाच्या कानाकोपऱ्यातून भाविक येत असतात. या गर्दीसाठी देवस्थानच्या वतीने विशेष नियोजन करण्यात आले आहे. श्रावणात भाविकांना मंदिराच्या पूर्व दरवाज्यात कोणत्याही प्रकारचा त्रास होऊ नये, यासाठी वातानुकूलित दर्शन बारीची व्यवस्था करण्यात आली आहे. यामुळे हजारो भाविक दर्शन रांगेत उभे राहून दर्शन घेऊ शकतील. तसेच दर्शन रांगेत ज्येष्ठांना बसण्याची व्यवस्था, स्तनदा मातांसाठी हिरकणी कक्ष, पिण्याचे पाणी तसेच प्राथमिक आरोग्य कक्ष, अशा सुविधा करण्यात आल्या आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
