निफाड तालुक्यात भेसळयुक्त दूध साठा जप्त

बोकडदरे शिवारातील कातकाडे मळा येथे अतुल कातकाडे यांच्या गोठ्यावर अन्न व औषध प्रशासन विभागाने छापा टाकला. एक व्यक्ती दुधाच्या प्लॅस्टिकच्या कॅनमध्ये काही पदार्थ मिसळवत असल्याचे आढळून आले. पंचासमक्ष परिसराची झाडाझडती घेतली असता डेअरी परमीट पावडर १८ किलो, व्होल मिल्क पावडर ३४ किलो, तेलसदृश पदार्थ १७० लिटर आढळून आले. या सर्व पदार्थांची भेसळ करून ४२० लिटर गाईच्या दुधाचा साठा विक्रीसाठी तयार केल्याचे दिसून आले. अन्न सुरक्षा व मानके कायद्यांतर्गत अन्न सुरक्षा अधिकारी उमेश सूर्यवंशी यांनी अन्न नमुने विश्लेषणासाठी घेऊन सर्व पदार्थांच्या उर्वरित साठ्यासह एकूण ४८१६४ रुपयांचा मुद्देमाल जप्त करण्यात आला.

आणखी वाचा

कोल्हापुरात दूध उत्पादकांचा दरवाढीसाठी गायींसह मोर्चा

Malasian Airlines: बेपत्ता MH370 चा शोध; पुण्यातील प्रल्हाद…

विश्लेषण :राज्यात दुधाचा महापूर?

सोन्याच्या दराने थंडीतही फोडला घाम… दर बघून…

गायीच्या दुधाला पृथ्वीवरील अमृत का म्हटलं जातं?

राज्यभरातून एका दिवसांत ११०० दुधाचे नमुने जप्त, अन्न आणि औषध प्रशासन दूध भेसळखोरांविरोधात आक्रमक

राज्यात दुधाचा ‘महापूर’; गत आर्थिक वर्षात १ कोटी ७१ लाख लिटरचे दैनंदिन विक्रमी संकलन

सोयाबीन खरेदीत महाराष्ट्र अव्वल;जाणून घ्या, राज्यातून खरेदी किती झाली

हेही वाचा… केळी पीक विम्यासाठी मुक्ताईनगर तालुक्यात पिंडदान; स्वाभिमानी शेतकरी संघटनेचे आंदोलन

भेसळयुक्त गाईचे दूध मानवी सेवनास येऊ नये या उद्देशाने जागेवरच नष्ट करण्यात आले. भेसळयुक्त पदार्थांपैकी दूध पावडर हेमंत पवार यांनी तर तेलसदृश पदार्थाचा पुरवठा मोहन आरोटे यांनी केला. संबंधितांवर पुढील तपासणीसाठी गुन्हा दाखल करण्यात आला आहे. ही कारवाई अन्न सुरक्षा अधिकारी उमेश सूर्यवंशी, योगेश देशमुख यांनी विभागाचे सहआयुक्त सं. भा. नारागुडे, सहायक आयुक्त उदय लोहोकरे यांच्या मार्गदर्शनाखाली करण्यात आली.