Video: समृध्दी महामार्गावर अमित ठाकरे यांचे वाहन रोखल्याने टोल नाक्याची तोडफोड

नाशिक: समृध्दी महामार्गावरील टोल नाक्यावर मनसेचे नेते अमित ठाकरे यांचे वाहन अर्धा तास रोखल्याच्या कारणावरून संतप्त मनसैनिकांनी या टोलनाक्याची रात्री तोडफोड केली. ठाकरे हे शिर्डीहून परतत असताना सिन्नर तालुक्यातील टोल नाक्यावर हा प्रकार घडला.

आणखी वाचा

काँग्रेसबरोबर युती करण्यावरून राज ठाकरेंची पुन्हा उद्धव ठाकरेंवर सडकून टीका; म्हणाले, “मी, माझा स्वार्थ, माझी खुर्ची अन्…”

Nana Patole : निकालाआधी राजकीय घडामोडींना वेग; यातच…

Raj Thackeray : राज ठाकरेंची बोचरी टीका, “शरद पवार हे तालुक्याचे नेते, जाणते राजे वगैरे..”

“शरद पवारांचं आयुष्य भूमिका बदलण्यात गेलं”, राज ठाकरेंची सडकून टीका; रिफायनरीच्या मुद्द्यावरून उद्धव ठाकरेंनाही केलं लक्ष्य, म्हणाले…

Raj Thackeray : राज ठाकरेंची टीका, “उद्धव ठाकरेंनी बाळासाहेबांची शिवसेना काँग्रेस आणि राष्ट्रवादीच्या दावणीला..”

“उद्धव ठाकरेंच्या हातून पैसा सुटत नाही, बॅगेत काय असणार?” राज ठाकरेंची खोचक टीका!

Raj Thackeray : राज ठाकरेंची बोचरी टीका, “उद्धव ठाकरेंकडून बाण गेला आणि फक्त खान राहिले आहेत, कारण..”

अमित ठाकरे हे चार, पाच दिवसांपासून नाशिक दौऱ्यावर आहेत. शनिवारी ते अहमदनगर, शिर्डी येथे गेले होते. समृध्दी महामार्गावरून ते नाशिककडे परतत असताना सायंकाळी साडेसात वाजता सिन्नर तालुक्यातील टोल नाक्यावर त्यांचे वाहन कर्मचाऱ्यांनी अडवले. स्वतःची ओळख देऊनही टोल नाक्यावरून वाहन सोडले गेले नाही. सुमारे अर्धा तास त्यांचे वाहन कर्मचाऱ्यांनी रोखून धरले. अरेरावीची भाषा केल्याचा आरोप पदाधिकाऱ्यांनी केला आहे. त्यावेळी अमित ठाकरे यांच्या समवेत कुणी पदाधिकारी नव्हते.

आणखी वाचा- ५६ इंच की छाती, कुछ काम नही आती’ मणिपूर प्रकरणी धुळ्यात युवा सेनेची घोषणाबाजी

या घटनेची माहिती मिळाल्यानंतर मनसेचे शहराध्यक्ष दिलीप दातीर, मनविसेचे प्रदेश उपाध्यक्ष संदीप भवर, शहर उपाध्यक्ष अक्षय खांडरे व कार्यकर्त्यांनी रात्री दहा वाजता सिन्नर तालुक्यातील समृध्दी महामार्गावरील तो टोलनाका गाठला. लाठा-काठ्यांनी तोडफोड करीत घोषणाबाजी केली. जिल्ह्यातील अनेक टोल नाक्यांवर कर्मचारी मुजोरी करतात. अरेरावीची भाषा केली जाते. त्यांना धडा शिकवण्यासाठी ही तोडफोड करण्यात आल्याचे मनसे पदाधिकाऱ्यांनी म्हटले आहे.