लोकसत्ता विशेष प्रतिनिधी
नाशिक: वाहतुकीचे नियम जणू आपल्यासाठी नाहीच, अशा अविर्भावात वावरणाऱ्या तसेच क्षमतेहून अधिक म्हणजे तिघांना घेऊन दुचाकी दामटणाऱ्या वाहनधारकांविरोधात पोलिसांनी कारवाईचा बडगा उगारला आहे. ठिकठिकाणी नाकाबंदी करून राबविलेल्या विशेष मोहिमेत ६०३ वाहनांची तपासणी करण्यात आली. यावेळी तिघांना घेऊन (ट्रीपल सीट) दुचाकी चालविणाऱ्या आणि हेल्मेट परिधान न केलेल्या २७६ वाहनधारकांवर दंडात्मक कारवाई करण्यात आली.
महाविद्यालये सुरू होत असताना शहरात वाहने दामटणाऱ्यांचे प्रमाण वाढले आहे. त्यातही काही महाविद्यालयीन युवक, युवती दुचाकीवर जितक्या जणांना बसवता येईल, तितक्यांना घेऊन खुलेआम प्रवास करतात. क्षमतेहून अधिक प्रवाश्यांची वाहतूक धोकादायक ठरते. मात्र नियमांकडे कानाडोळा केला जातो. हेल्मेट बाबतही वेगळी स्थिती नाही. वाहनधारकांनी वाहतुकीच्या नियमांचे पालन करावे, यासाठी मागील काही वर्षांपासून पोलीस सातत्याने प्रयत्न करीत आहेत. दरवर्षी अपघातांमध्ये मोठ्या प्रमाणात वाहनधारकांचे मृत्यू होतात. त्यामध्ये हेल्मेट परिधान न करणाऱ्यांचा अधिक्याने समावेश असतो. त्यामुळे दुचाकीस्वारांनी हेल्मेट परिधान करावे, यासाठी पोलिसांनी अनेक मोहिमा राबविल्या. तथापि, आजही निम्मे वाहनधारक हेल्मेटविना प्रवास करताना दिसतात. वाहतुकीला शिस्त लावण्यासाठी पोलीस आयुक्त अंकुश शिंदे यांनी मोटार वाहन नियमांचे उल्लंघन करणारे, दुचाकीवर तिघांना घेऊन प्रवास करणाऱ्यांवर कारवाईचे निर्देश दिले आहेत. त्या अनुषंगाने सर्व पोलीस ठाणे आणि शहर वाहतूक शाखेने पोलीस अधिकारी व अंमलदार यांची वेगवेगळी पथके कारवाईसाठी नियुक्त केली आहेत.
आणखी वाचा-नाशिक: सवलत योजनेमुळे महापालिकेला धनलाभ
या पथकांनी दोन तास वेगवेगळ्या भागात नाकाबंदी केली. त्यात वाहतुकीचे नियम धाब्यावर बसविणारे वाहनधारक, तिघांना घेऊन प्रवास करणारे आणि हेल्मेट परिधान न करणाऱ्या वाहनधारकांवर मोटार वाहन कायद्याच्या विविध कलमांन्वये कारवाई करण्यात आली. नियमांचे उल्लंघन करणाऱ्या वाहनधारकांवर पुढील काळात कारवाई सुरू राहणार असल्याचे शहर पोलिसांनी म्हटले आहे.
दीड लाखाचा दंड
शहरात वेगवेगळ्या भागात केलेल्या नाकाबंदीत एकूण ६०३ वाहनांची तपासणी करण्यात आली. त्यात परिमंडळ एकमध्ये १२० तर परिमंडळ दोनमध्ये १५६ याप्रमाणे एकूण २७६ वाहनधारकांवर कारवाई करण्यात आली. संबंधितांकडून एक लाख ४४ हजार ७५० रुपयांचा दंड वसूल करण्यात आला. या मोहिमेत १५ पोलीस अधिकारी व ६८ पोलीस अंमलदारांनी सहभाग घेतला.
नाशिक: वाहतुकीचे नियम जणू आपल्यासाठी नाहीच, अशा अविर्भावात वावरणाऱ्या तसेच क्षमतेहून अधिक म्हणजे तिघांना घेऊन दुचाकी दामटणाऱ्या वाहनधारकांविरोधात पोलिसांनी कारवाईचा बडगा उगारला आहे. ठिकठिकाणी नाकाबंदी करून राबविलेल्या विशेष मोहिमेत ६०३ वाहनांची तपासणी करण्यात आली. यावेळी तिघांना घेऊन (ट्रीपल सीट) दुचाकी चालविणाऱ्या आणि हेल्मेट परिधान न केलेल्या २७६ वाहनधारकांवर दंडात्मक कारवाई करण्यात आली.
महाविद्यालये सुरू होत असताना शहरात वाहने दामटणाऱ्यांचे प्रमाण वाढले आहे. त्यातही काही महाविद्यालयीन युवक, युवती दुचाकीवर जितक्या जणांना बसवता येईल, तितक्यांना घेऊन खुलेआम प्रवास करतात. क्षमतेहून अधिक प्रवाश्यांची वाहतूक धोकादायक ठरते. मात्र नियमांकडे कानाडोळा केला जातो. हेल्मेट बाबतही वेगळी स्थिती नाही. वाहनधारकांनी वाहतुकीच्या नियमांचे पालन करावे, यासाठी मागील काही वर्षांपासून पोलीस सातत्याने प्रयत्न करीत आहेत. दरवर्षी अपघातांमध्ये मोठ्या प्रमाणात वाहनधारकांचे मृत्यू होतात. त्यामध्ये हेल्मेट परिधान न करणाऱ्यांचा अधिक्याने समावेश असतो. त्यामुळे दुचाकीस्वारांनी हेल्मेट परिधान करावे, यासाठी पोलिसांनी अनेक मोहिमा राबविल्या. तथापि, आजही निम्मे वाहनधारक हेल्मेटविना प्रवास करताना दिसतात. वाहतुकीला शिस्त लावण्यासाठी पोलीस आयुक्त अंकुश शिंदे यांनी मोटार वाहन नियमांचे उल्लंघन करणारे, दुचाकीवर तिघांना घेऊन प्रवास करणाऱ्यांवर कारवाईचे निर्देश दिले आहेत. त्या अनुषंगाने सर्व पोलीस ठाणे आणि शहर वाहतूक शाखेने पोलीस अधिकारी व अंमलदार यांची वेगवेगळी पथके कारवाईसाठी नियुक्त केली आहेत.
आणखी वाचा-नाशिक: सवलत योजनेमुळे महापालिकेला धनलाभ
या पथकांनी दोन तास वेगवेगळ्या भागात नाकाबंदी केली. त्यात वाहतुकीचे नियम धाब्यावर बसविणारे वाहनधारक, तिघांना घेऊन प्रवास करणारे आणि हेल्मेट परिधान न करणाऱ्या वाहनधारकांवर मोटार वाहन कायद्याच्या विविध कलमांन्वये कारवाई करण्यात आली. नियमांचे उल्लंघन करणाऱ्या वाहनधारकांवर पुढील काळात कारवाई सुरू राहणार असल्याचे शहर पोलिसांनी म्हटले आहे.
दीड लाखाचा दंड
शहरात वेगवेगळ्या भागात केलेल्या नाकाबंदीत एकूण ६०३ वाहनांची तपासणी करण्यात आली. त्यात परिमंडळ एकमध्ये १२० तर परिमंडळ दोनमध्ये १५६ याप्रमाणे एकूण २७६ वाहनधारकांवर कारवाई करण्यात आली. संबंधितांकडून एक लाख ४४ हजार ७५० रुपयांचा दंड वसूल करण्यात आला. या मोहिमेत १५ पोलीस अधिकारी व ६८ पोलीस अंमलदारांनी सहभाग घेतला.
