नाशिक : बिऱ्हाड मोर्चा स्थगित, जिल्हाधिकाऱ्यांशी मागण्यांविषयी सकारात्मक चर्चा

नंदुरबार, धुळे, नाशिक, संभाजीनगरसह महाराष्ट्रातील विविध जिल्ह्यातील १० हजारपेक्षा अधिक शेतकरी, शेतमजूर या मोर्चात सहभागी झाले होते. नंदुरबारपासून निघालेला मोर्चा नाशिकजवळ आला असता उपमुख्यमंत्री देवेंद्र फडणवीस यांनी मोर्चाच्या शिष्टमंडळाशी नागपूर येथे चर्चा केली. ही चर्चा सकारात्मक झाल्याचे मोर्चेकऱ्यांकडून सांगण्यात आले. मंत्री गिरीश महाजन यांची शिष्टाई सफल झाल्याचे मानण्यात येत असतानाही मोर्चा शहरात दाखल झाला. मोर्चा जिल्हाधिकारी कार्यालयाजवळ आल्यावर मोर्चेकऱ्यांचे शिष्टमंडळ जिल्हाधिकाऱ्यांच्या भेटीला गेले. जिल्हाधिकारी जलज शर्मा यांच्यासह नंदुरबार, धुळे येथील जिल्हाधिकाऱ्यांशीही मोर्चेकऱ्यांनी चर्चा केली. यावेळी आदिवासी आयुक्त, वन अधिकारी, महसूल विभागाचे अधिकारी उपस्थित होते. सर्व चर्चा सकारात्मक झाल्याने मोर्चा स्थगित झाल्याचे सभेचे राज्य सचिव किशोर ढमाले यांनी सांगितले.

आणखी वाचा

नाशिक जिल्ह्यात दोन दिवसात ५७ लाखांचा मुद्देमाल जप्त

महायुतीला सत्ता मिळाली, लाडक्या बहिणींना २१०० रुपये कधीपासून…

‘डीएसके’ यांच्या गुंतवणूकदारांची यादी सादर करण्याचे मावळ-मुळशी उपविभागीय दंडाधिकाऱ्यांना न्यायालयाचे आदेश

मताधिकार ही भविष्य घडविण्याची संधी!

वणीत भाजपमागे शुक्लकाष्ठ, कुणबी वक्तव्यानंतरचे बॅग तपासणी प्रकरण अंगलट येण्याची शक्यता

UPSC ची तयारी : नीतिशास्त्र, सचोटी  आणि नैसर्गिक क्षमता

KYC : RBI ने केली KYC नियम बदलण्याची घोषणा, आपल्यावर नेमका कसा परिणाम होणार?

हेही वाचा – “मयत सलीम कुत्ताच्या नावाने सत्ताधाऱ्यांचे राजकारण”, ठाकरे गटाचा आरोप

हेही वाचा – नाशिकमध्ये डोळ्यांवर फवारा मारुन दागिने लंपास, महिलेचा प्रताप

दरम्यान चर्चेत दुष्काळसंदर्भात वनहक्क दावेदारांनी उपमुख्यमंत्र्यांकडे केलेल्या मागणीच्या अंमलबजावणीसाठी तपशील ठरवण्यात आला. प्रशासनाकडून वनहक्कांबाबत अपात्र ठरविल्यास जिल्हा पातळीवर निवड समिती या अपात्र दाव्यांची फेरतपासणी करणार आहे, शेतकरी कर्जमुक्ती योजनेचा लाभ आदिवासींना मिळालेला नाही. त्याबाबत जिल्हा पातळीवर जिल्हाधिकारी बैठक घेत बँकांना या विषयी जाब विचारणार आहे. तसेच धुळे, नंदुरबार येथे उपद्रवी मेंढपाळांकडून आदिवासींना त्रास दिला जात असल्याने याबाबत गृह विभाग माहिती घेऊन कारवाई करणार आहे. सर्व मागण्यांविषयी नाशिक, धुळे, नंदुरबार येथे दोन, तीन आणि चार जानेवारी रोजी जिल्हाधिकारी कार्यालयात बैठक होणार आहे. याबाबत त्या त्या विभागाला आवश्यक सूचना करण्यात आल्या असल्याने मोर्चा स्थगित करण्यात आला.