अखेर उंटांचे नाशिकहून प्रस्थान; दीड महिन्यात राजस्थानला पोहचणार

नाशिक: पांजरापोळ संस्थेच्या जागेत आश्रयासाठी ठेवण्यात आलेल्या १११ पैकी १२ उंटांचा आतापर्यंत मृत्यू झाला असून केवळ ९९ या ठिकाणी उरले आहेत. राजस्थान येथील रायका संस्थेचे सहकारी १६ दिवसानंतर पांजरापोळ येथून ९८ उंट घेऊन राजस्थानकडे शुक्रवारी रवाना झाले. एक उंट अशक्तपणामुळे पांजरापोळमध्येच ठेवण्यात आला. मजल, दरमजल करीत हे उंट दीड महिन्यानंतर राजस्थानात पोहचणार आहेत. त्यांच्या देखभालीसाठी स्थानिक पातळीवर पशुवैद्यकीय पथक सोबत राहणार आहे.

आणखी वाचा

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

लाडक्या बहीण योजनेसाठी इतर कोणत्याही विभागाचा निधी वळविण्यात आलेला नाही – मंत्री आदिती तटकरे

एसटी बसमध्ये वारंवार बिघाड… रोज १८३ बसच्या प्रवाश्यांना अडचण…

डॉक्टरांविरोधातील तक्रारींचा निपटारा करण्यात एमएमसीला यश, तक्रारींची संख्या १,७०० वरून ६०० वर

यंदा लाल तिखटाचा भडका उडणार; मिरचीची आवक घटल्याने दर वाढणार

शिक्षणासाठी पुण्यात आलेल्या अनेक विद्यार्थ्यांची आबाळ, आरोग्य सर्वेक्षणातून काय झाले उघड?

बोरिवली, मालाडची हवा धोकादायक, महिन्यातील जवळपास वीस दिवस बहुतेक भागांत वाईट हवेची नोंद

चार मे रोजी जिल्ह्यातून जात असलेल्या उंटांची माहिती प्राणीप्रेमींना मिळाली होती. या जिल्ह्यात उंट का आले, कुठे चालले, याविषयी कोणतीच माहिती उपलब्ध होत नसल्याने १११ उंट जिल्हा प्रशासनाने ताब्यात घेऊन त्यांच्या संगोपनाची जबाबदारी पांजरापोळ संस्थेला देण्यात आली होती.

हेही वाचा… जळगावात पुन्हा पाणीबाणी, शनिवारी पाणी पुरवठा बंद

हजारो किलोमीटर दूरवरून पायपीट करून आलेल्या उंटांपैकी बहुतांश अन्न, पाण्यावाचून अशक्त झाले होते. त्यातच वातावरणातील बदलामुळे पांजरापोळ येथे १२ उंटांचा मृत्यू झाला. हे उंट राजस्थानातच नेणे योग्य राहील, यादृष्टीने प्राणी मित्रांसह पांजरापोळ संस्थेने उंट घेऊन जाण्यासाठी जिल्हा प्रशासनाशी पत्रव्यवहार केला. यानंतर राजस्थानमधील रायका संस्थेने सदर उंटांच्या संगोपनाची जबाबदारी घेणार असल्याचे पत्र जिल्हाधिकाऱ्यांना पाठविले होते. त्यानुसार राजस्थानातून उंटांना सांभाळणारे सात रायका कार्यकर्ते गुरुवारी पांजरापोळ येथे दाखल झाले.

हेही वाचा… डॉ. राम ताकवलेंना श्रद्धांजली वाहण्यासाठी मंगळवारी शोकसभा

शुक्रवारी सकाळी पशु संवर्धन विभागाचे अधिकारी गिरीश पाटील, डॉ. वैशाली थोरात, डॉ. साखरे यांनी पांजरापोळ येथे भेट दिली . या नंतर व्यवस्थापक विठ्ठल आगळे यांना पत्र मिळाले. जिल्हाधिकारी यांच्याकडील पत्र रायका संस्थेच्या प्रतिनिधींना दिल्यानंतर उंट राजस्थानकडे रवाना झाले. उंट दिंडोरी-वणी-धरमपूरमार्गे राजस्थानकडे जाणार आहेत. यात दररोज २० ते २५ किलोमीटर त्यांचा प्रवास होईल. दरम्यान, शुक्रवारी ९९ उंटांपैकी एक उंट प्रवेशद्वाराजवळ जखमी झाल्याने त्याला उपचारासाठी पांजरापोळ येथे ठेवून घेण्यात आल्यानंतर ९८ उंटाचा ताफा पुढे सरकला. दीड महिन्यात ते राजस्थान गाठतील. या कालावधीत त्यांना आरोग्य विषयक त्रास होऊ नये यासाठी त्यांच्या मार्गातील स्थानिक पशुवैद्यकीय पथक तालुका सिमेपर्यंत सोबत राहणार आहे.